ଦିଲ୍ଲୀଦିଲ୍ଲୀ-ଏନସିଆରରେ ଆଜି ସର୍ବାଧିକ ତାପମାତ୍ରା; ୩୬ ଡିଗ୍ରୀ ସେଲସିୟସରେ ପହଞ୍ଚିଛି ଉତ୍ତାପ, ସପ୍ତାହେ ପର୍ଯ୍ୟନ୍ତ ନିସ୍ତାର ନାହିଁ
ଦିଲ୍ଲୀ-ଏନସିଆରରେ ଆଜି ପ୍ରବଳ ଉତ୍ତାପ ରେକର୍ଡ କରାଯାଇଛି। ତାପମାତ୍ରାର କ୍ରମାଗତ ବୃଦ୍ଧି ରେକର୍ଡ କରାଯାଉଛି। ଆଜି ପ୍ରବଳ ତାତି ସହିତ ପବନ ମଧ୍ୟ ବହୁଥିଲା।ପ୍ରଖର ଉତ୍ତାପ ଯୋଗୁଁ ଅପରାହ୍ନରେ ରାସ୍ତାରେ ବହୁତ କମ୍ ଲୋକ ଚଳପ୍ରଚଳ କରୁଥିବା ସୂଚନା ରହିଛି। ଭାରତ ପାଣିପାଗ ବିଭାଗ କହିଛି ଯେ ରବିବାର ଦିନ ଦିଲ୍ଲୀର ସର୍ବନିମ୍ନ ତାପମାତ୍ରା ୨୦.୪ ଡିଗ୍ରୀ ସେଲସିୟସରେ ରେକର୍ଡ କରାଯାଇଛି।ଆଜି ଦିନର ସର୍ବାଧିକ ତାପମାତ୍ରା ୩୬ ଡିଗ୍ରୀ ସେଲସିୟସରେ ପହଞ୍ଚିବ ବୋଲି ପୂର୍ବାନୁମାନ କରାଯାଇଛି।
ପାଣିପାଗ ବିଭାଗ କହିଛି ଯେ ଆସନ୍ତା ସପ୍ତାହରେ ମଧ୍ୟ ଉତ୍ତାପର ପ୍ରକୋପ ରହିବ। ପ୍ରାପ୍ତ ସୂଚନା ଅନୁଯାୟୀ, ଉତ୍ତାପ ଆସନ୍ତା ଏକ ସପ୍ତାହ ପର୍ଯ୍ୟନ୍ତ ରହିବ ଏବଂ ଖରାର ପ୍ରକୋପରୁ ମୁକ୍ତି ମିଳିବ ନାହିଁ।
ଏହାପୂର୍ବରୁ ଶନିବାର ଦିନ ପ୍ରବଳ ପବନ ହେତୁ ଉତ୍ତାପରୁ କିଛି ମାତ୍ରାରେ ଆରାମ ମିଳିଥିଲା | ଶନିବାର ଦିନ ଦିଲ୍ଲୀରେ ସର୍ବାଧିକ ତାପମାତ୍ରା ୩୪.୫ ଡିଗ୍ରୀ ସେଲସିୟସ ରେକର୍ଡ ହୋଇଥିବାବେଳେ ସର୍ବନିମ୍ନ ୨୦.୧ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ବାୟୁରେ ଆର୍ଦ୍ରତା ସ୍ତର ୨୩ ରୁ ୮୩ ପ୍ରତିଶତ ମଧ୍ୟରେ ରହିରହିଥିଲ।ପାଣିପାଗ ବିଭାଗ ଅନୁଯାୟୀ ରବିବାର ଦିନ ଆକାଶ ମଧ୍ୟ ସ୍ୱଚ୍ଛ ରହିବ।