ଗ୍ୟାସଟାଙ୍କି ଫାଟି ଅଗ୍ନିକାଣ୍ଡ

ଓଡ଼ିଆ ନ୍ୟୁଜ, କେନ୍ଦ୍ରାପଡା : ଅଗ୍ନିକାଣ୍ଡରେ ଉଜୁଡ଼ିଗଲା ଘର ସହ ଆସବାପତ୍ର । ପୋଡ଼ି ପାଉଁଶ ହୋଇଗଲା ଚାଳ ଛପର । ଏଭଳି ଅଘଟଣା ଘଟିଛି କେନ୍ଦ୍ରାପଡ଼ା ନିକିରାଇ ଥାନା ଅନ୍ତର୍ଗତ ଇନ୍ଦୁପୁର ମଝି ସାହିରେ । ଅଗ୍ନିକାଣ୍ଡ ଘଟି ଏକ ଚାଳ ଛପର ଘର ପୋଡ଼ି ପାଉଁଶ ହୋଇଯାଇଛି l

ଆଜି ସନ୍ଧ୍ୟା ପ୍ରାୟ ସାଢେ ଆଠଟା ବେଳେ ଏହି ଗ୍ରାମର ଗୋପ ମଳିକ ଙ୍କ ଚାଳ ଛପର ଘରେ ହଠାତ୍ ନିଆଁ ଲାଗିଯାଇଥିଲା l ଗାଁ ଲୋକେ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରି ବିଫଳ ହୋଇଥିଲେ l ଘଟଣାସ୍ଥଳରେ ଖବର ପାଇ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିଲେ ।ଖୁବ୍ କମ୍ ସମୟ ମଧ୍ୟରେ ଦୁଇ ବଖରା ଛପର ଘର ପୋଡ଼ି ପାଉଁଶ ହୋଇଯାଇଥିଲା l

ଘର ଭିତରେ ଥିବା ସମସ୍ତ ଆସବାବପତ୍ର ଓ ଖାଦ୍ୟ ସାମଗ୍ରୀ ପୋଡି ଯାଇଥିବା ଜଣାପଡ଼ିଛି l ଗ୍ୟାସଟାଙ୍କି ଫାଟି ଯିବାରୁ ଏହିଭଳି ଘଟଣା ଘଟିଥିବାର ସୂଚନା ମିଳିଛି। ଏଥିରେ ଜଣେ ଆହତ ହୋଇଥିବା ଜଣାପଡିଛି।ଆହତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।