ଗୁଳିବିଦ୍ଧ ଦନ୍ତାର ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟଣା: କାଜୁ ବଗିଚା ନଷ୍ଟ କରିବାରୁ ଦନ୍ତାକୁ ମାରିଥିଲେ ଗୁଳି, ୩ ଗିରଫ
ଆଠଗଡ଼(ଓଡ଼ିଆ ନ୍ୟୁଜ୍): ନରସିଂହପୁର ଜଙ୍ଗଲରେ ଗୁଳିବିଦ୍ଧ ଦନ୍ତାର ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟଣାରେ ୩ ଗିରଫ । ତେବେ ଦନ୍ତାହାତୀକୁ ଦାନ୍ତ ଉଦ୍ଦେଶ୍ୟରେ ଗୁଳି ଶିକାର ନୁହେଁ ବରଂ ହାତୀ କାଜୁ ବଗିଚା ନଷ୍ଟ କରିଥିବାରୁ ଏମିତି ଗୁଳି କରିଥିବା ଜଣାପଡିଛି । ଏନେଇ ସୂଚନା ଦେଇଛନ୍ତି ଆଠଗଡ଼ ଡି ଏଫ୍ ଓ ସୁଦର୍ଶନ ଗୋପୀନାଥ ଯାଦବ । ଦନ୍ତହାତୀ ଗୁଳିବିଦ୍ଧ ହେବା ପରେ ନାଳରେ ପଡି ଛଟପଟ ହେଉଥିଲା । ହାତୀର ଚିକିତ୍ସା କରାଯାଇଥିଲେ ମଧ୍ୟ ତାକୁ ବଞ୍ଚାଇ ହୋଇନଥିଲା ।
ଗିରଫ ଶିକାରୀ ମାନେ ହେଲେ ସୂର୍ୟ୍ୟମଣି ନାୟକ , ଗଙ୍ଗାଧର ନାୟକ ଏବଂ ଦିବାକର ସାହୁ । ଦେଶୀ ବନ୍ଧୁକ ସହ ସମସ୍ତଙ୍କୁ କୋର୍ଟ ଚାଲାଣ କରିଛି ବନ ବିଭାଗର ସ୍ବତନ୍ତ୍ର ଟିମ୍ । ସମସ୍ତଙ୍କ ଘର ନରସିଂହପୁର ଅଂଚଳର ବୋଲି ଜଣାପଡିଛି ।