ଖଣି ଅଞ୍ଚଳରେ ନିଶା ଔଷଧ ବେପାର 

ଓଡ଼ିଆ ନ୍ୟୁଜ,(ବ୍ୟୁରୋ): ଯୋଡ଼ା ସହରରେ ପୋଲିସ ସ୍ପେସାଲ୍ ସ୍କ୍ୱାର୍ଡର ଚଢାଉ, ବିପୁଳ ପରିମାଣରେ ନିଶା ଔଷଧ ଜବତ ସହ ୨ ଗିରଫ | କେନ୍ଦୁଝର ଏସ୍.ପିଙ୍କ ନିର୍ଦ୍ଦେଶ କ୍ରମେ ବଡବିଲ ଏସ୍.ଡି.ପି.ଓ ଶ୍ରୀ ପ୍ରୀୟସ୍ ରଞ୍ଜନ ଛୋଟରାୟ ନିର୍ଦେଶରେ ଗଠିତ ହୋଇଥିଲା ସ୍ପେସାଲ୍ ସ୍କ୍ୱାର୍ଡ |

ଯୋଡା ଥାନା ଆଇଆଇସି ଲୋକେଶ ସାହୁ, ଡ୍ରଗ୍ ଇନ୍ସପେକ୍ଟର ଶ୍ରୀ ରୁଦ୍ର ନାରାୟଣ ସାହୁ ତଥା ମାଜିଷ୍ଟ୍ରେଟ ଭାବେ ଚମ୍ପୁଆ ଅତିରିକ୍ତ ତହସଲଦାର ପ୍ରତୀକ୍ଷା ପ୍ରିୟ ଦର୍ଶିନୀଙ୍କୁ ନେଇ ଗଠିତ ସ୍ପେସାଲ୍ ସ୍କ୍ୱାର୍ଡ | ସୋମବାର ଯୋଡ଼ା ସହରର ବିଭିନ୍ନ ସ୍ଥାନରେ ଅତର୍କିତ ଚଢ଼ାଉ କରିଥିଲେ |

ଯୋଡା ପୋଷ୍ଟ ଅଫିସ ନିକଟସ୍ଥ ମନିହାରି ଦୋକାନ ଏବଂ ଧରଣୀଧର ଛକ ନିକଟରେ ଥିବା ଆରୋଗ୍ୟ ମେଡିସିନ ଷ୍ଟୋରରୁ ବିପୁଳ ପରିମାଣରେ ବିନା କାଗଜପତ୍ରରେ ଗଚ୍ଛିତ ନିଶା ଔଷଧ ଜବତ ଜବତ୍ କରିଛି। ଏବଂ ୨ ଦୋକାନ ମାଲିକ ମହମ୍ମଦ ହୁସେନ୍ ଏବଂ ତାପସ କୁମାର ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଛି।