ଫ୍ରାନ୍ସରେ ଶାସନ କ୍ଷମତାର ପୁଣି ଥରେ ମଙ୍ଗ ଧରିଲେ ଇମାନୁଏଲ ମାକ୍ରନ୍
ପୁଣି ଥରେ ଫ୍ରାନ୍ସର ରାଷ୍ଟ୍ରପତି ଭାବେ ନିର୍ବାଚିତ ହେଲେ ଇମାନୁଏଲ୍ ମାକ୍ରୋନ୍। କ୍ରମାଗତ ଦ୍ୱିତୀୟ ଥର ପାଇଁ ଇମାନୁଏଲ୍ ମାକ୍ରୋନ୍ ଫ୍ରାନ୍ସର ରାଷ୍ଟ୍ରପତି ଭାବରେ ନିର୍ବାଚିତ ହୋଇଛନ୍ତି। ରବିବାର ରାଷ୍ଟ୍ରପତି ନିର୍ବାଚନରେ ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରନ୍ ପ୍ରତିଦ୍ୱନ୍ଦ୍ୱୀ ବିରୋଧୀ ଦଳର ନେତା ମାରିଏନ୍ ଲେ ପେନଙ୍କୁ ପରାସ୍ତ କରିଛନ୍ତି। ଏହିପରି ଭାବରେ, ୪୪ ବର୍ଷୀୟ ମାକ୍ରୋନ୍ ପ୍ରଥମ ଫ୍ରାନ୍ସର ରାଷ୍ଟ୍ରପତି ହୋଇଛନ୍ତି ଯିଏକି ୨୦ ବର୍ଷ ମଧ୍ୟରେ ଦ୍ୱିତୀୟ ଥର ପାଇଁ ନିର୍ବାଚିତ ହୋଇଛନ୍ତି। ରବିବାରର ପ୍ରାଥମିକ ଆକଳନରେ ମାକ୍ରୋନ୍ ୫୮.୮ ପ୍ରତିଶତ ଭୋଟ୍ ପାଇଥିବାବେଳେ ତାଙ୍କ ପ୍ରତିଦ୍ୱନ୍ଦ୍ୱୀ ମେରାଇନ୍ ଲେ ପେନ୍ ମାତ୍ର ୪୨.୨ ପ୍ରତିଶତ ଭୋଟ୍ ମିଳିଛି। ପ୍ୟାରିସରେ ମାକ୍ରୋନଙ୍କ ବିଜୟକୁ ବିରୋଧ କରୁଥିବା ଲୋକଙ୍କ ଉପରେ ପୋଲିସ ଲୁହବୁହା ଗ୍ୟାସ ଫିଙ୍ଗିଥିଲା।
ସରକାରୀ ନିର୍ବାଚନ ଆକଳନ ପୂର୍ବରୁ ଲେ ପେନ୍ ପରାଜୟ ସ୍ୱୀକାର କରିଥିଲେ। ଫ୍ରାନ୍ସ ପାଇଁ ତାଙ୍କର ସଂଗ୍ରାମ ଜାରି ରହିବ ବୋଲି ପେନ୍ କହିଛନ୍ତି। ମାକ୍ରୋନଙ୍କ ବିରୋଧରେ ଏକଜୁଟ ହେବାକୁ ସେ ଅନ୍ୟ ଦଳମାନଙ୍କୁ ଆହ୍ବାନ କରିଛନ୍ତି। ପ୍ରାରମ୍ଭିକ ଧାରା ପହଞ୍ଚିବା ପରେ ସେଠାରେ ମାକ୍ରୋନଙ୍କୁ ବିଜୟ ପାଇଁ ଅଭିନନ୍ଦନ ଜଣାଇବା ପାଇଁ ବହୁ ସଂଖ୍ୟାରେ ଲୋକ ଆସିଥିଲେ |
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇମାନୁଏଲ୍ ମାକ୍ରୋନ୍ଙ୍କୁ ଫ୍ରାନ୍ସର ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିବାରୁ ଅଭିନନ୍ଦନ ଜଣାଇଛନ୍ତି। ସେ ଟୁଇଟ୍ କରି କହିଛନ୍ତି ଯେ ମୁଁ ଭାରତ-ଫ୍ରାନ୍ସର ରଣନୀତିକ ଭାଗିଦାରୀକୁ ଗଭୀର କରିବା ପାଇଁ ମିଳିତ ଭାବେ କାର୍ଯ୍ୟ କରିବାକୁ ଆଗ୍ରହର ସହ ଅପେକ୍ଷା କରିଛି।ମାକ୍ରୋନ୍ଙ୍କୁ ଅଭିନନ୍ଦନ ଜଣାଇ ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍ ଜନସନ କହିଛନ୍ତି ଯେ ଫ୍ରାନ୍ସ ଆମର ଘନିଷ୍ଠ ତଥା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ସହଯୋଗୀ। ଭବିଷ୍ୟତରେ ଆମେ ଏକାଠି କାମ କରିବାକୁ ଆଗ୍ରହୀ।ୟୁକ୍ରେନ୍ର ରାଷ୍ଟ୍ରପତି ଭୋଲୋଦିମିର୍ ଜେଲେନ୍ସ୍କି ଗତ ରାତିରେ ଟ୍ୱିଟ୍ କରି ନିର୍ବାଚନୀ ବିଜୟ ଲାଗି ରାଷ୍ଟ୍ରପତି ଇମ୍ମାନୁଏଲ୍ଙ୍କୁ ଅଭିନନ୍ଦନ ଜଣାଇଛନ୍ତି।