ଆଖି ସମସ୍ୟାରୁ କିପରି ପାଇବେ ମୁକ୍ତି
ଓଡ଼ିଆ ନ୍ୟୁଜ,(ବ୍ୟୁରୋ): ଆଜି କାଲି କମ୍ ବୟସରେ ଆଖି ସମସ୍ୟା ଦେଖାଯାଉଛି । ଆଉ ଆଖି ସମସ୍ୟା ପାଇଁ ବହୁ ଚିନ୍ତିତ ରୁହନ୍ତି । ତେବେ ଏହି ସମସ୍ୟା ଆମର କିଛି ଭୁଲ ଅଭ୍ୟାସ ହେତୁ ହୋଇପାରେ। ଏହି କାରଣରୁ କମ ବୟସରେ ଚଷମା ବ୍ୟବହାର କରିବାକୁ ପଡେ। ଯଦି ଆପଣ ମଧ୍ୟ କମ ବୟସରେ ଦୃଷ୍ଟି ଶକ୍ତି ସମସ୍ୟା ଭୋଗୁଛନ୍ତି, ତେବେ ଏହିସବୁ ଅଭ୍ୟାସକୁ ଆଜିଠାରୁ ପରିବର୍ତ୍ତନ କରିବା ଉଚିତ। ପ୍ରତିଦିନ ଛଅରୁ ଆଠ ଘଣ୍ଟା ଶୋଇବା ଜରୁରୀ।
ନିଦ କମ ହେଲେ ଆଖିରେ ଥକ୍କାପଣ ସହିତ ଷ୍ଟ୍ରେନ୍ ଦେଖାଯିବା ଆରମ୍ଭ ହୁଏ। ଅଧିକ ଶୋଇବା ଦ୍ୱାରା ଆଖିର ଜଳୀୟ ଅଂଶ ବଢିଥାଏ। କମ୍ପ୍ୟୁଟରରେ ଦୀର୍ଘ ସମୟ କାମ କରିବା କିମ୍ବା ସ୍ମାର୍ଟଫୋନ୍ ମାଧ୍ୟମରେ ସ୍କ୍ରୋଲ୍ କରିବା ଯୋଗୁଁ ଆଖି ଶୁଷ୍କ ହୋଇଯାଏ ଯାହା ଦୃଷ୍ଟିଶକ୍ତିକୁ ପ୍ରଭାବିତ କରେ। ଏନେଇ ଆପଣଙ୍କୁ ସ୍କ୍ରିନ୍ ଟାଇମ୍ କମେଇବାକୁ ପଡିବ। ଏଥି ପାଇଁ ପ୍ରତି କୋଡ଼ିଏ ମିନିଟରେ ଏକ ବ୍ରେକ୍ ନିଅନ୍ତୁ ଏବଂ ଆଖିକୁ ପ୍ରାୟ ଦଶ ଥର ଧୀରେ ଧୀରେ ମିଟିମିଟି କରନ୍ତୁ। ଆପଣ ଯଦି ପର୍ଯ୍ୟାପ୍ତ ପରିମାଣର ପାଣି ପିଉ ନାହାଁନ୍ତି, ତେବେ ଆପଣଙ୍କ ଆଖିର ଜଳୀୟ ଅଂଶ କମିଯିବାର ସମ୍ଭାବନା ଅଧିକ।
ଏହି କାରଣରୁ ଆଖି ଫୁଲିଯାଏ, ଶୁଷ୍କ ହୋଇଯାଏ ଏବଂ ଲାଲ ପଡିଯାଏ। ତେଣୁ ପ୍ରତିଦିନ ପ୍ରଚୁର ପାଣି ପିଇବା କରୁରୀ। ଯଦି ଆପଣ ବାରମ୍ବାର ଆଖିକୁ ଘଷନ୍ତି, ତେବେ ଏହା ମାୟୋପିୟା ଏବଂ ଗ୍ଲୁକୋମାକୁ ଖରାପ କରିପାରେ, ଯାହା ସିଧାସଳଖ ଦୃଷ୍ଟି ଶକ୍ତି ଉପରେ ପ୍ରଭାବ ପକାଇଥାଏ। ଧୂମପାନ ଦ୍ୱାରା ମାକୁଲାର ଡିଜେରେସନ୍, ଗ୍ଲୁକୋମା, ଶୁଷ୍କ ଆଖି ଏବଂ ମୋତିଆବିନ୍ଦୁ ଭଳି ସମସ୍ୟା ଦେଖାଦିଏ। ଏଥିପାଇଁ ଧୂମପାନ ଛାଡିବା ଜରୁରୀ।