ସେନାରେ ନିଯୁକ୍ତି ପ୍ରକ୍ରିୟାରେ ଏକ ବଡ଼ ପରିବର୍ତ୍ତନ; ଆସୁଛି ଅଗ୍ନିପଥ ପ୍ରଭାସ ଯୋଜନା’

ଖୁବ୍ ଶୀଘ୍ର ଭାରତୀୟ ସେନାରେ ନିଯୁକ୍ତି ପ୍ରକ୍ରିୟାରେ ଏକ ବଡ଼ ପରିବର୍ତ୍ତନ ହେବାକୁ ଯାଉଛି। ଏଥିପାଇଁ ନରେନ୍ଦ୍ର ମୋଦୀ ସରକାର ‘ଅଗ୍ନିପଥ ପ୍ରଭାସ ଯୋଜନା’ ଆଣିବାକୁ ଯାଉଛନ୍ତି। ଏହି ନୂତନ ବ୍ୟବସ୍ଥା ଅଧୀନରେ ସେବାରେ ଥିବା ସୈନିକମାନଙ୍କୁ ‘ଅଗ୍ନିବୀର୍’ କୁହାଯିବ ଏବଂ ସୈନିକମାନେ ମାତ୍ର ତିନି ବର୍ଷ କାର୍ଯ୍ୟକାଳ କରିବା ପରେ ସେନାବାହିନୀରୁ ଓହରିଯିବେ ଏବଂ ସେମାନେ ସିଭିଲ୍ ସେକ୍ଟରରେ ଚାକିରି କରିବାକୁ ଚେଷ୍ଟା କରିବେ। କୁହାଯାଉଛି ଯେ ବର୍ତ୍ତମାନ ସରକାର କେବଳ  ବର୍ଷ ପାଇଁ ଅଗ୍ନିବୀରମାନଙ୍କୁ ଚୟନ କରିବେ। ଏହି ସମୟରେ, ସେମାନଙ୍କୁ ବିଭିନ୍ନ କ୍ଷେତ୍ରର କଠିନ ଆହ୍ବାନ ସହ ଗତି କରିବାକୁ ପଡିବ। ତେବେ କୋଭିଡ କାରଣରୁ ସାମରିକ ନିଯୁକ୍ତି କାର୍ଯ୍ୟ ବନ୍ଦ ହୋଇଯାଇଛି। ଏଭଳି ପରିସ୍ଥିତିରେ ସେନାରେ ସୈନିକଙ୍କ ସଂଖ୍ୟା ଯଥେଷ୍ଟ ହ୍ରାସ ପାଇଛି। ଭାରତୀୟ ସେନା, ଭାରତୀୟ ନୌସେନା ଏବଂ ବାୟୁସେନାର ସରକାରୀ ଆକଳନ ଅନୁଯାୟୀ ସେନାର ୩ ଟି ବିଭାଗରେ ୧.୨୫ ଲକ୍ଷରୁ ଅଧିକ ସିଟ୍ ଖାଲି ଅଛି।