ବଜରଙ୍ଗଦଳର ପକ୍ଷରୁ ରାଷ୍ଟ୍ରପତି ଉଦ୍ଧେଶ୍ୟରେ ଦାବିପତ୍ର ପ୍ରଦାନ
ଓଡ଼ିଆ ନ୍ୟୁଜ,(ବ୍ୟୁରୋ): ଜମ୍ମୁକାଶ୍ମୀର ରିୟାସୀଠାରେ ହୋଇଥିବା ଆତଙ୍କବାଦୀ ଆକ୍ରମଣକୁ ନେଇ ବଜରଙ୍ଗଦଳର ପକ୍ଷରୁ ରାଷ୍ଟ୍ରପତି ଉଦ୍ଧେଶ୍ୟରେ ଦାବିପତ୍ର ପ୍ରଦାନ | ଜମ୍ମୁ-କାଶ୍ମୀରର ବୈଷ୍ଣବଦେବୀ କଟରାରୁ ଶିବଖୋଡ଼ି ଯିବା ସମୟରେ ରିୟାସୀଠାରେ ହିନ୍ଦୁ ଶ୍ରଦ୍ଧାଳୁଙ୍କ ଉପରେ ଜୁନ୍ ୦୯ ତାରିଖରେ ଆତଙ୍କବାଦୀ ମାନେ ଯାତ୍ରୀବାହି ବସରେ ଆତ୍ମଘାତୀ ଆକ୍ରମଣ କରିଥିଲେ |
ଏବଂ ଏହାଦ୍ବାରା ୧୦ ଜଣ ନିର୍ଦ୍ଦୋଷ ହିନ୍ଦୁ ତୀର୍ଥଯାତ୍ରୀ ସ୍ବର୍ଗଗାମୀ ଓ ଅନେକ ଯାତ୍ରୀ ଆହତ ହୋଇଛନ୍ତି। ସମଗ୍ର ଭାରତ ବର୍ଷର ଦେଶବାସୀ ଏହି ଆତ୍ମଘାତୀ ଆକ୍ରମଣର ନିନ୍ଦା କରିଛନ୍ତି।ବିଶ୍ବହିନ୍ଦୁ ପରିଷଦ, ବଜରଙ୍ଗଦଳ ଆନନ୍ଦପୁର ପକ୍ଷରୁ ଏହି ଭୀରୁ କାର୍ଯ୍ୟକୁ ସଂପୂର୍ଣ ରୂପେ ନିନ୍ଦା କରିଥିଲେ |
ଏହିପ୍ରକାର ଗତିବିଧ ଉପରେ ପୂର୍ଣ୍ଣ ନିୟନ୍ତ୍ରଣ ପାଇବା ପାଇଁ ନିର୍ଣ୍ଣାୟକ ଏବଂ କଠୋର ପଦକ୍ଷେପ ଉଠେଇବା ପାଇଁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦିଅନ୍ତୁ ବୋଲି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଆନନ୍ଦପୁର ଉପଜିଲ୍ଲାପାଳଙ୍କୁ ଦାବି ଜଣାଇଛନ୍ତି |