ମହାରାଷ୍ଟ୍ର ଭୂସ୍ଖଳନ ଘଟଣା: ଏବେ ବି ୧୧୯ଜଣ ନିଖୋଜ୍

ଓଡ଼ିଆ ନ୍ୟୁଜ୍ (ବ୍ୟୁରୋ): ମହାରାଷ୍ଟ୍ରରେ ଭୂସ୍ଫଳନ ଘଟଣାରେ ଉଦ୍ଧାର କାର୍ଯ୍ୟ ଏବେ ବି ଜାରି ରହିଛି । ଯାହା ଖବର ମିଳିଛି, ଏହି ଘଟଣାରେ ଏବେବି ୧୧୯ଜଣ ନିଖୋଜ ଅଛନ୍ତି । ଇର୍ଶଲୱାଡି ଭୂସ୍ଖଳନସ୍ଥଳରେ ଏନଡିଆରଏଫର ଉଦ୍ଧାର କାର୍ୟ୍ୟ ଜାରି ରହିଛି । ନିଖୋଜ ମାନେ ମାଟି ଅତଡା ତଳେ ଦବି ରହିଥିବା ଆଶଙ୍କା କରାଯାଉଛି ।

ଏପର୍ୟ୍ୟନ୍ତ ୧୬ଜଣଙ୍କର ମୃତଦେହ ଉଦ୍ଧାର କରାଯାଇଥିବା ବେଳ ୯୩ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ତେବେ ଗତ ରାତିରେ ଅନ୍ଧାର ଓ ପ୍ରବଳ ବର୍ଷା ଯୋଗୁଁ ଉଦ୍ଧାର କାର୍ୟ୍ୟ ବାଧାପ୍ରାପ୍ତ ହେବା ପରେ ଏହାକୁ ବନ୍ଦ କରାଯାଇଥିଲା । ଆଜି ସକାଳୁ ପୁଣି ଉଦ୍ଧାର କାର୍ୟ୍ୟ ଆରମ୍ଭ ହୋଇଛି । ୧୧୯ଜଣ ନିଖୋଜ ଥିବା ବେଳେ ଏମାନଙ୍କୁ ଖୋଜିବା ପାଇଁ ସନ୍ଧାନୀ କୁକୁରଙ୍କ ସହାୟତା ନିଆଯାଇଛି ।