ଗ୍ରୀସରେ ବଡ଼ ଧରଣର ଟ୍ରନ୍ ଦୁର୍ଘଟଣା: ମୃତ୍ୟୁ ସଂଖ୍ୟା ୨୬କୁ ବୃଦ୍ଧି

ଓଡ଼ିଆ ନ୍ୟୁଜ୍(ବ୍ୟୁରୋ): ଗ୍ରୀସରେ ଦୁଇଟି ଟ୍ରେନ୍ ମଧ୍ୟରେ ଘଟିଥିବା ଏହି ଭୟଙ୍କର ଦୁର୍ଘଟଣାରେ ମୃତ୍ୟୁ ସଂଖ୍ୟା ୧୬ ରୁ ୨୬ କୁ ବୃଦ୍ଧି ପାଇଛି। ଏହି ଦୁର୍ଘଟଣାରେ ୮୫ ଜଣ ଆହତ ହୋଇଥିବା ଖବର ରହିଛି। ମିଳିଥିବା ସୂଚନା ଅନୁଯାୟୀ ଅନେକ ଆହତଙ୍କ ଅବସ୍ଥା ଗୁରୁତର ରହିଛି। ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ଏହା ଅନୁମାନ କରାଯାଉଛି ଯେ ମୃତ୍ୟୁ ସଂଖ୍ୟା ଆହୁରି ବଢିପାରେ।

ଯଦି ଗଣମାଧ୍ୟମର ରିପୋର୍ଟକୁ ବିଶ୍ୱାସ କରାଯାଏ ତେବେ ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିଲା ଜ୍ଝ ଦୁର୍ଘଟଣାର କାରଣ କ’ଣ, ବର୍ତ୍ତମାନ ସୁଦ୍ଧା ଏହା ସ୍ପଷ୍ଟ ହୋଇନାହିଁ। ଘଟଣା ସ୍ଥଳରେ ରିଲିଫ ଓ ଉଦ୍ଧାର କାର୍ୟ୍ୟ ଜାରି ରହିଛି। ଏହି ଭୟଙ୍କର ଦୁର୍ଘଟଣା ସମ୍ପର୍କରେ ଗ୍ରୀସର ଥେସାଲୀ ଅଞ୍ଚଳର ରାଜ୍ୟପାଳ କହିଛନ୍ତି ଯେ ଏଥେନ୍ସରୁ ଉତ୍ତର ସହର ଥେସଲାନିକୀକୁ ଏକ ଯାତ୍ରୀବାହୀ ଟ୍ରେନ୍ ଯାଉଥିବାବେଳେ ଅନ୍ୟ ଏକ ସାମଗ୍ରୀ ଟ୍ରେନ୍ ଥେସଲନୀକୀରୁ ଲାରିସାକୁ ଆସୁଥିଲା। ଏହି ଦୁଇଟି ଟ୍ରେନ୍ ଲାରିସା ସହର ବାହାରେ ମୁହାଁମୁହିଁ ହୋଇଥିଲେ।

ଏହି ଦୁର୍ଘଟଣା ଏତେ ଭୟଙ୍କର ଯେ ଦୁର୍ଘଟଣା ପରେ ସେନାକୁ ଉଦ୍ଧାର କାର୍ୟ୍ୟରେ ସହାୟତା କରିବାକୁ କୁହାଯାଇଥିବାବେଳେ ଡାକ୍ତରଖାନାରେ ଜରୁରୀକାଳୀନ ପରିସ୍ଥିତି ଲାଗୁ କରାଯାଇଛି। ସୋସିଆଲ ମିଡିଆ ଘଟଣାର ଚିତ୍ର ଏବଂ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ଟ୍ରେନର କୋଚମାନେ କିପରି ନିଆଁକୁ ଆୟତ୍ତ କରୁଛନ୍ତି ତାହା ଦେଖିବାକୁ ମିଳେ ଜ୍ଝ ଏହା ବ୍ୟତୀତ କିଛି କୋଚ୍ ମଧ୍ୟ ଖରାପ ହୋଇଯାଇଛନ୍ତି।