ନ୍ୟୁୟର୍କ ରେଳ ଷ୍ଟେସନରେ ଗୁଳି ବିନିମୟ; ୧୩ ଆହତ

ଆମେରିକାର ନ୍ୟୁୟର୍କ ସହରର ବ୍ରୁକଲିନ୍ ମେଟ୍ରୋ ଷ୍ଟେସନରେ ମଙ୍ଗଳବାର ସକାଳେ ଅନେକ ଲୋକଙ୍କୁ ଗୁଳି ଚଳାଇବାର ଘଟଣା ସାମ୍ନାକୁ ଆସିଛି।ଜଣେ ଆକ୍ରମଣକାରୀ ମଙ୍ଗଳବାର ସକାଳେ ଲୋକଙ୍କ ଉପରକୁ ଗୁଳି ଚଳାଇଥିଲେ। ଏହି ଆକ୍ରମଣରେ ୧୩ ଜଣ ଆହତ ହୋଇଛନ୍ତି। ଆକ୍ରମଣକାରୀ ଆକ୍ରମଣ କରିବା ପରେ ପଳାଇ ଯାଇଥିଲେ। ନ୍ୟୁୟର୍କ ପୋଲିସର ସୂଚନାନୁସାରେ, ଆକ୍ରମଣକାରୀ ଗ୍ୟାସ ମାସ୍କ ପିନ୍ଧି ଆସିଥିଲେ। ପୋଲିସ ଘଟଣାସ୍ଥଳରୁ ଅନେକ ବୋମା ଜବତ କରିଛି। ଏତେ ସଂଖ୍ୟକ ଲୋକଙ୍କୁ ଗୁଳି ଚଳାଇବାର ଖବର ପାଇବା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରୁଛି।ନ୍ୟୁୟର୍କ ସିଟି ପୋଲିସ ବିଭାଗ (NYPD) କହିଛି ଯେ ବର୍ତ୍ତମାନ ସମୟରେ କୌଣସି ସକ୍ରିୟ ବିସ୍ଫୋରକ ଉପକରଣ ନାହିଁ।

ଜଣେ ଆଇନଜୀବୀ କହିଛନ୍ତି ଯେ ପ୍ରାଥମିକ ରିପୋର୍ଟରେ ୧୩ ଜଣଙ୍କୁ ଗୁଳି କରାଯାଇଛି ବୋଲି ସୂଚିତ କରାଯାଇଛି। ଗ୍ୟାସ ମାସ୍କ ଏବଂ ପୋଷାକ ପିନ୍ଧିଥିବା ବ୍ୟକ୍ତିଙ୍କୁ ପୋଲିସ ଖୋଜୁଛି ବୋଲି ଅଧିକାରୀ କହିଛନ୍ତି। ଏହି ହିଂସାତ୍ମକ ଘଟଣା ଜନସାଧାରଣଙ୍କ ସୁରକ୍ଷାକୁ ନେଇ ଭୟ ସୃଷ୍ଟି କରିଛି।