ନବାବ ମଲିକ ଅର୍ଥ ହେରଫେର ମାମଲା: ଇଡିର ଚାର୍ଜସିଟକୁ ଗ୍ରହଣ କଲେ ସ୍ୱତନ୍ତ୍ର କୋର୍ଟ, ଡି କମ୍ପାନୀ ସହ ସିଧାସଳଖ ସମ୍ପର୍କ ଥିବା ମିଳିଲା ପ୍ରମାଣ

ଏନସିପି ନେତା ନବାବ ମଲିକଙ୍କ ବିରୋଧରେ ମନି ଲଣ୍ଡରିଂ ମାମଲାରେ ଶୁକ୍ରବାର ଦିନ ମୁମ୍ବାଇର ଏକ ସ୍ୱତନ୍ତ୍ର ଅଦାଲତ ଇଡିର ଚାର୍ଜସିଟକୁ ଗ୍ରହଣ କରିଛନ୍ତି ଏବଂ କୋର୍ଟ ତାଙ୍କ ଆଦେଶରେ କହିଛନ୍ତି ଯେ, କୁର୍ଲା ଠାରେ ଅବସ୍ଥିତ ଗୋଆୱାଲା କମ୍ପାଉଣ୍ଡରକୁ ଦଖଲ କରିବା ପାଇଁ ମଲିକ ପ୍ରତ୍ୟକ୍ଷ ତଥା ଉଦ୍ଦେଶ୍ୟମୂଳକ ଭାବେ ମନି ଲଣ୍ଡରିଂ ତଥା ଅପରାଧିକ ଷଡଯନ୍ତ୍ରରେ ସମ୍ପୃକ୍ତ ଥିବା ପ୍ରମାଣ ରହିଛି ବୋଲି କହିଛନ୍ତି। ଅଦାଲତ ଏହା ମଧ୍ୟ କହିଛନ୍ତି ଯେ ଦାଉଦ ଇବ୍ରାହିମ ଗ୍ୟାଙ୍ଗ ସହ ମଲିକଙ୍କ ଲିଙ୍କ ମଧ୍ୟ ମନି ଲଣ୍ଡରିଂ ଷଡଯନ୍ତ୍ରରେ ଦେଖିବାକୁ ମିଳୁଛି।ମଲିକ ଏବଂ ୧୯୯୩ ବୋମା ବିସ୍ଫୋରଣ ମାମଲାର ଅଭିଯୁକ୍ତ ସର୍ଦ୍ଦାର ଶାହୱାଲି ଖାନ ବିରୋଧରେ କୋର୍ଟ ଏହି ମାମଲା ଜାରି କରିଛନ୍ତି, ଯିଏ ଏହି ମାମଲାରେ ଜଡିତ ଅଛି।

ସ୍ୱତନ୍ତ୍ର ଜଜ୍ ରାହୁଲ ଏନ ରୋକଡେ ତାଙ୍କ ନିର୍ଦ୍ଦେଶରେ କହିଛନ୍ତି ଯେ ଡି-କମ୍ପାନୀର ସଦସ୍ୟ ହାସିନା ପାର୍କର, ସଲିମ ପଟେଲ ଏବଂ ସର୍ଦ୍ଦାର ଖାନଙ୍କ ସହ ମିଶି ମଲିକ ମୁନିରା ପ୍ଲମ୍ବରର ମୂଳ ସମ୍ପତ୍ତି ହାସଲ କରିବା ପାଇଁ ଅପରାଧିକ ଷଡଯନ୍ତ୍ର କରିଥିଲେ। ଅଦାଲତ ଏହା ମଧ୍ୟ କହିଛନ୍ତି ଯେ ଅଭିଯୁକ୍ତମାନେ ସିଧାସଳଖ ଏବଂ ଜାଣିଶୁଣି ଅର୍ଥ ହେରଫେର ଅପରାଧରେ ଜଡିତ ଅଛନ୍ତି, ତେଣୁ ସେମାନଙ୍କୁ PMLA ର ଧାରା ୩ ଏବଂ ୪ ଅନୁଯାୟୀ ଅଭିଯୋଗ କରାଯାଇଛି। କୋର୍ଟ ଏହା ମଧ୍ୟ କହିଛନ୍ତି ଯେ ଅଭିଯୁକ୍ତଙ୍କ ବିରୋଧରେ ଆସିଥିବା ଅଭିଯୋଗ ଏବଂ ରେକର୍ଡରେ ରଖାଯାଇଥିବା ବିଭିନ୍ନ ଦଲିଲରୁ ଏହି ମାମଲା ଜାରି ରଖିବା ପାଇଁ ପର୍ଯ୍ୟାପ୍ତ କାରଣ ଥିବା ଜଣାପଡିଛି। ତେଣୁ, ମୋ ମତରେ ମୋକଦ୍ଦମା ପ୍ରକ୍ରିୟାର ଆବଶ୍ୟକତା ଅଛି | ଏହି ମାମଲାରେ ସମ୍ପୃକ୍ତ ଅଭିଯୁକ୍ତଙ୍କ ବିରୋଧରେ ଶୁଣାଣି ଜାରି କରାଯିବା ଉଚିତ ବୋଲି କୋର୍ଟ କହିଛନ୍ତି।