ବାଲେଶ୍ଵର: ଅଟୋକୁ ପଛପଟୁ ଧକ୍କା ଦେଲା କାର, ଜଣେ ଗୁରୁତର ଓ ଦୁଇଜଣ ଆହତ

ଓଡ଼ିଆ ନ୍ୟୁଜ(ବ୍ୟୁରୋ): ବାଲେଶ୍ଵର ଜିଲ୍ଲା ସଦର ଥାନା ଅଧିନ କୁରୁଡ଼ା ସର୍ଭିସ ରୋଡ଼ରେ ଏକ କାର ଅଟୋକୁ ପଛପଟୁ ପିଟିବା ଯୋଗୁଁ ଜଣେ ଗୁରୁତର ଓ ଦୁଇଜଣ ଆହତ ହୋଇଥିବା ଜଣାପଡିଛି। କାର ଚଳାଉଥିବା ବ୍ୟକ୍ତି ଜଣଙ୍କ ଚାନ୍ଦିପୁର ଥାନା ଅଧିକାରୀ ସଦାନନ୍ଦ ନାୟକ ବୋଲି ଜଣାପଡିଛି । ଥାନା ଅଧିକାରି ନିଶାଶକ୍ତ ଅବସ୍ଥାରେ ଦୁର୍ଘଟଣା ଘଟାଇଥିବା ଅଭିଯୋଗ ହୋଇଛି । ବାଲେଶ୍ବର ସଦର ଥାନା ନିକଟସ୍ଥ କୁରୁଡା ରାସ୍ତାରେ ଚାନ୍ଦିପୁର ଥାନା ଅଧିକାରୀ ସଦାନନ୍ଦ ନାୟକଙ୍କ କାର ଧକ୍କାରେ ୬ ଅଟୋ ଯାତ୍ରୀ ଗୁରୁତର ହୋଇଛନ୍ତି ।

ସମସ୍ତ ଗୁରୁତର ଯାତ୍ରୀଙ୍କୁ ସ୍ଥାନୀୟ ଲୋକେ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି।ସୂଚନା ଅନୁଯାଇ ବାଲେଶ୍ବର ଚାନ୍ଦିପୁର ଥାନା ଅଧିକାରୀ ସଦାନନ୍ଦ ନାୟକ ଏକ ବାଲେନୋ କାର ନମ୍ୱର Od/33/0524 ଯୋଗେ ଭଦ୍ରକ ଅଭୁମୁଖେ ଯାଉଥିବା ବେଳେ କୁରୁଡା ନିକଟରେ ଏକ ଯାତ୍ରୀବାହୀ ଅଟୋକୁ ପଛପଟୁ ଧକ୍କା ଦେଇଥିଲେ। ଅଟୋରେ ଡ୍ରାଇଭର ସମେତ ପଶ୍ଚିମ ମେଦିନପୁତ ଅଞ୍ଚଳର ଆଷିଶ ପାହାଡି ନାମକ ବ୍ୟକ୍ତି ତାଙ୍କ ପରିବାର ସମେତ ପଞ୍ଚୁଲିଙ୍ଗେଶ୍ବର ବୁଲିବାକୁ ଯାଉଥିବା ବେଳେ ଦୁର୍ଘଟଣା ର ଶିକାର ହୋଇଥିଲେ । ଘଟଣା ସ୍ଥଳରେ ଅଟୋଟି ନୟନଜୋରି ଓଲଟି ପଡିଥିବା ବେଳେ ୨ବର୍ଷର ଶିଶୁ ସମେତ ଅଟୋ ଡ୍ରାଇଭର ଗୁରୁତର ଅବସ୍ଥାରେ ଜିଲ୍ଲା ମେଡିକାଲରେ ଚିକିତ୍ସିତ ହେଉଛନ୍ତି, ଘଟଣା ପୁଲିସ ଅଧିକାରୀ ସମ୍ପଟ ମାରୁ ଥିବା ବେଳେ ଲୋକେ ଘେରି ଯାଇଥିଲେ ।