ପାକିସ୍ତାନର ପ୍ରସିଦ୍ଧ ଟିଭି ହୋଷ୍ଟ ତଥା ସାଂସଦ ଆମୀର ଲିଆକତଙ୍କ ଦେହାନ୍ତ; ଜାଣନ୍ତୁ ମୃତ୍ୟୁର କାରଣ
ଜଣାଶୁଣା ଟିଭି ହୋଷ୍ଟ ତଥା ପାକିସ୍ତାନର ସାଂସଦ ଆମିର ଲିଆକତ ହୁସେନ୍ଙ୍କ ଦେହାନ୍ତ ହୋଇଛି। ତାଙ୍କୁ ୪୯ ବର୍ଷ ବୟସ ହୋଇଥିଲା | ଆଜି କରାଚିସ୍ଥିତ ତାଙ୍କ ଘରେ ଆମୀର ଲିଆକତ ହୁସେନ୍ଙ୍କ ମୃତ ଅବସ୍ଥାରେ ଦେଖିବାକୁ ମିଳିଥିଲା।ଜଣେ ପୋଲିସ ଅଧିକାରୀ କହିଛନ୍ତି ଯେ ସକାଳେ ଲିଆକତଙ୍କ ଅବସ୍ଥା ବିଗିଡି ଯାଇଥିଲା ଲିଆକତଙ୍କ ଅବସ୍ଥା ଖରାପ ହେବା ପରେ ତାଙ୍କୁ ଆଗା ଖାନ ୟୁନିଭରସିଟି ହସପିଟାଲକୁ ନିଆଯାଇଥିଲା ଏବଂ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲା ବୋଲି ପୋଲିସ ଅଧିକାରୀ କହିଛନ୍ତି। ସେ କହିଛନ୍ତି ଯେ ପ୍ରାଥମିକ ରିପୋର୍ଟରେ କୌଣସି ଗଡବଡ ଦେଖାଯାଇ ନାହିଁ।
ଜିନ୍ନା ପୋଷ୍ଟ ଗ୍ରାଜୁଏଟ୍ ମେଡିକାଲରେ ଆମୀର ଲିଆକତ ହୁସେନଙ୍କ ପୋଷ୍ଟମର୍ଟମ କରାଯିବ। ଏହି ସମୟରେ, ଜାତୀୟ ବିଧାନସଭା ବାଚସ୍ପତି ରାଜା ପରଭେଜ ଆଶରଫ ଏମଏନଏ ଆମିର ଲିଆକତ ହୁସେନ୍ଙ୍କ ମୃତ୍ୟୁ ଖବର ପାଇବା ପରେ ଶୁକ୍ରବାର ଅପରାହ୍ନ ୫ ଟା ପର୍ଯ୍ୟନ୍ତ ଆରମ୍ଭ ହୋଇଥିବା ଅଧିବେଶନକୁ ସ୍ଥଗିତ ରଖିଛନ୍ତି।
ସୂଚନା ଥାଉକି ଲିଆକତ ମାର୍ଚ୍ଚ ୨୦୧୮ରେ PTI ରେ ଯୋଗ ଦେଇଥିଲେ ଏବଂ ସେହି ବର୍ଷ ପରେ ଅନୁଷ୍ଠିତ ସାଧାରଣ ନିର୍ବାଚନରେ କରାଚିରୁ ସାଂସଦ ଭାବରେ ନିର୍ବାଚିତ ହୋଇଥିଲେ | ତେବେ ପରେ ସେ ଦଳ ଛାଡିଥିଲେ। ସେ ଏହାପୂର୍ବରୁ ମୁତାହିଦା କୌମ୍ବି ମୁଭମେଣ୍ଟ (MQM) ର ଜଣେ ପ୍ରମୁଖ ନେତା ଥିଲେ ଏବଂ ଅଗଷ୍ଟ ୨୦୧୬ ରେ ଦଳ ଛାଡିଥିଲେ ଏବଂ ସେ ରାଜନୀତି ଛାଡିବେ ବୋଲି କହିଥିଲେ। ଲିଆକତ ବହୁ ବର୍ଷ ଧରି ମିଡିଆ ଇଣ୍ଡଷ୍ଟ୍ରିରେ କାମ କରୁଥିଲେ |