ଅଗଷ୍ଟ ୧୩ରୁ ୧୫ ଯାଏ ‘ହର ଘର ତ୍ରିରଙ୍ଗା’ ଅଭିଯାନରେ ସାମିଲ ହେବାକୁ ଆହ୍ବାନ ଦେଲେ ପ୍ରଧାନମନ୍ତ୍ରୀ ମୋଦି
ଓଡ଼ିଆ ନ୍ୟୁଜ୍(ବ୍ୟୁରୋ): ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଗଷ୍ଟ ୧୩ରୁ ୧୫ ଯାଏ ‘ହର ଘର ତିରଙ୍ଗା’ ଅଭିଯାନରେ ସାମିଲ ହେବାକୁ ସବୁ ଭାରତୀୟଙ୍କୁ ଆହ୍ବାନ ଦେଇଛନ୍ତି। ଏନେଇ ଟୁଇଟ୍ କରି ମୋଦି କହିଛନ୍ତି, ଜାତୀୟ ପତାକା ସ୍ୱାଧୀନତା ଏବଂ ଜାତୀୟ ଏକତାର ଆତ୍ମାକୁ ଦର୍ଶାଉଛି। ଏଣୁ ସବୁ ଭାରତୀୟମାନଙ୍କୁ ତ୍ରିରଙ୍ଗା ସହ ସେମାନଙ୍କର ଫଟୋଗ୍ରାଫ୍ ‘ହର ଘର ତ୍ରିରଙ୍ଗା’ ୱେବସାଇଟରେ ଅପଲୋଡ୍ କରିବାକୁ ଅନୁରୋଧ କରିଛନ୍ତି।
The Tiranga symbolises the spirit of freedom and national unity. Every Indian has an emotional connect with the Tricolour and it inspires us to work harder to further national progress. I urge you all to take part in the #HarGharTiranga movement between 13th to 15th August.…
— Narendra Modi (@narendramodi) August 11, 2023
ଗତବର୍ଷ ଭାରତରେ ସ୍ୱାଧୀନତାର ୭୫ବର୍ଷ ପୂର୍ତ୍ତି ସ୍ୱରୂପ ‘ଆଜାଦି କା ଅମୃତ ମହୋତ୍ସବ’ ପାଳନ କରିଯାଇଥିଲା । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜୁଲାଇ ୨୨ରୁ ‘ହର୍ ଘର ତ୍ରିରଙ୍ଗା’ ଅଭିଯାନ ଆରମ୍ଭ କରିଥିଲେ । ସେ କହିଥିଲେ, ଏହି ତାରିଖ ଆମ ସମସ୍ତଙ୍କ ପାଇଁ ଐତିହାସିକ ମହତ୍ତ୍ୱ ରଖିଛି । ଏହି କ୍ରମରେ ଚଳିତ ବର୍ଷ ଏହି ଅଭିଯାନ ଆରମ୍ଭ କରି ମୋଦି ଟ୍ୱିଟ୍ କରି କହିଛନ୍ତି ଯେ, ଏହା ଜାତୀୟ ପତାକା ସହିତ ଆମର ସଂଯୋଗକୁ ଆହୁରି ଗଭୀର କରିବ । ଏହି ଅଭିଯାନ ଦେଶର ସମସ୍ତ ନାଗରିକଙ୍କୁ ନିଜ ଘରେ ତ୍ରିକୋଣୀୟ ପତାକା ଉତ୍ତୋଳନ କରିବାକୁ ଉତ୍ସାହିତ କରିବ ଏବଂ ଦ୍ୱିତୀୟ ସଂସ୍କରଣ ଅଗଷ୍ଟ ୧୩ରୁ ୧୫ ପର୍ଯ୍ୟନ୍ତ ପୂର୍ବ ବର୍ଷର ତାରିଖ ପରି ପାଳନ କରାଯିବ । ଏହି ଅଗଷ୍ଟ ୧୫ରେ ଭାରତ ଏହାର ୭୬ତମ ବର୍ଷର ସ୍ୱାଧୀନତା ଦିବସ ପାଳନ କରିବ ।