ଜାମ୍ମୁ କାଶ୍ମୀରରେ କେବେ ହେବ ନିର୍ବାଚନ? ସୂଚନା ଦେଲେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ

ଆଜି କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଦୁଇ ଦିନିଆ ଜାମ୍ମୁ କାଶ୍ମୀର ଗସ୍ତର ଦ୍ୱିତୀୟ ଦିନରେ ମହାରାଜା ଗୁଲାବ ସିଂଙ୍କ ୨୦୦ ତମ ରାଜ୍ର୍ୟାଭିଷେକ ସମାରୋହରେ ଯୋଗ ଦେଇଛନ୍ତି। ଏହି କାର୍ଯ୍ୟକ୍ରମରେ ରଜନନାଥ ସିଂ ପାକିସ୍ତାନକୁ ଟାର୍ଗେଟ କରି କହିଛନ୍ତି ଯେ ଚଳିତ ବର୍ଷ ଶେଷ ସୁଦ୍ଧା ଜାମ୍ମୁ କାଶ୍ମୀରରେ ନିର୍ବାଚନ ହେବ। ସେ କହିଛନ୍ତି, ପାକ୍ ଏବଂ ଗିଲଗିତ୍- ବଲୁଚିସ୍ଥାନ ପାକିସ୍ତାନର ବେଆଇନ ଦଖଲରେ ଅଛି। ମିଶ୍ରଣ ପରେ ଜାମ୍ମୁ କାଶ୍ମୀର ସହିତ ଯଦି କୌଣସି ଭେଦଭାବ ହୋଇ ନଥାନ୍ତା, ତେବେ ବିଚ୍ଛିନ୍ନତାବାଦୀ ଶକ୍ତି ଏତେ ଶକ୍ତିଶାଳୀ ହୋଇନଥାନ୍ତା | ଘୃଣାର ମଞ୍ଜି ବୁଣିବାରେ ଏଠାରେ ପଡ଼ୋଶୀଙ୍କର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି | ବୋଧହୁଏ ଚଳିତ ବର୍ଷ ଶେଷ ସୁଦ୍ଧା ନିର୍ବାଚନ ପ୍ରକ୍ରିୟା ଆରମ୍ଭ ହେବ ହୋଇପାରେ।

ତେବେ କହିବା ଯେ ଜାମ୍ମୁ କାଶ୍ମୀରର ପ୍ରତିଷ୍ଠାତା ମହାରାଜା ଗୁଲାବ ସିଂଙ୍କ ୨୦୦ ତମ ରାଜ୍ର୍ୟାଭିଷେକ ଅବସରରେ ଆଜି ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏହି ଉତ୍ସବରେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନା, ଡକ୍ଟର ଜିତେନ୍ଦ୍ର ସିଂ, ଡକ୍ଟର କରଣ ସିଂଙ୍କ ସମେତ ବହୁ ବିଶିଷ୍ଟ ବ୍ୟକ୍ତିତ୍ୱ ଯୋଗ ଦେଇଥିଲେ। ଏହି ଅବସରରେ ଜାମ୍ମୁ କାଶ୍ମୀର ସମ୍ବନ୍ଧରେ ସମସ୍ତ ଲୋକ ନିଜର ମତ ରଖିଥିଲେ।

୨୦୧୯ ଠାରୁ ପରିସ୍ଥିତି ବଦଳିଛି ବୋଲି ଲେଫ୍ଟ ଗଭର୍ଣ୍ଣର କହିଛନ୍ତି

ଜାମ୍ମୁ କାଶ୍ମୀରର ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନା ଏହି ଅବସରରେ କହିଛନ୍ତି ଯେ ଗତ ୭୦ ବର୍ଷ ମଧ୍ୟରେ ଆମେ ଜାମ୍ମୁ କାଶ୍ମୀରରେ ପରିବାରବାଦ, ଲାଞ୍ଚ ଏବଂ ବିଚ୍ଛିନ୍ନତାବାଦର ଏକ ଯୁଗ ଦେଖିଛୁ, କିନ୍ତୁ ୨୦୧୯ ପରେ ଜାମ୍ମୁ କାଶ୍ମୀର ପ୍ରଗତିର ପଥରେ ଅଛି। ଏଥି ସହ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ କହିଛନ୍ତି ଯେ ଜାମ୍ମୁ କାଶ୍ମୀରର ପ୍ରବେଶ ଦ୍ୱାରର ଲଖନପୁର ଠାରେ ମହାରାଜା ଗୁଲାବ ସିଂଙ୍କ ପ୍ରତିମୂର୍ତ୍ତିକୁ ଉନ୍ମୋଚନ କରିଛୁ। ଯାହାର ଉଦ୍ଦେଶ୍ୟ ଥିଲା ଜାମ୍ମୁ କାଶ୍ମୀରକୁ ଆସୁଥିବା ପ୍ରତ୍ୟେକ ଯାତ୍ରୀ ଏଠାକାର ପ୍ରତିଷ୍ଠାତା ରାଜାଙ୍କ ବିଷୟରେ ଜାଣିବା ଉଚିତ୍