ରିଲିଜ ହୋଇଛି ରଣବିର କପୁରଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଆନିମଲ୍’

ଓଡ଼ିଆ ନ୍ୟୁଜ, (ବ୍ୟୁରୋ):  ରିଲିଜ ହୋଇଛି ରଣବିର କପୁରଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଆନିମଲ୍’ । ସେଥିପାଇଁ ସମସ୍ତ ଥିଏଟରର ସାମ୍ନାରେ ସିନେପ୍ରେମୀଙ୍କ ଭିଡ ଦେଖିବାକୁ ମିଳିଛି । ଅନ୍ୟପଟେ ଆସନ୍ତା କାଲି ମୁକ୍ତିଲାଭ କରିବ ବିକି କୌଶଲଙ୍କ ଅଭିନୀତ ‘ସାମ୍ ବାହାଦୂର’ । ଯୋଉଥିପାଇଁ ସିନେପ୍ରମୀଙ୍କ ମଧ୍ୟରେ ଉତ୍ସାହ ଦ୍ଵିଗୁଣିତ ହୋଇଛି । ସନ୍ଦୀପ ରେଡ୍ଡୀ ଭଙ୍ଗାଙ୍କ ନିର୍ଦ୍ଦେଶନାରେ ନିର୍ମିତ ‘ଆନିମଲ୍’ ଓ ମେଘନା ଗୁଲଜାରଙ୍କ ନିର୍ଦ୍ଦେଶିତ ‘ସାମ୍ ବାହାଦୂର’ ମଧ୍ୟରେ କଡାକଡି ଟକ୍କର ହେବ ।

ଫିଲ୍ମ ବକ୍ସ ଅଫିସରେ ଧମାକା କରିଛି । ଟ୍ରେଲର ରିଲିଜ ପର ଠାରୁ ସମସ୍ତେ ଏହି ଫିଲ୍ମ ରିଲିଜକୁ ଅପେକ୍ଷା କରି ରହିଥିଲେ । କାରଣ ରଣବୀର କପୁର ଏବଂ ବବି ଦେଓଲଙ୍କ ଆକ୍ସନ ଲୁକ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ବର୍ତ୍ତମାନ ଫିଲ୍ମ ରିଲିଜ ହୋଇଥିବା ବେଳେ ଫିଲ୍ମ ଦେଖି ସୋସିଆଲ ମିଡିଆରେ ନିଜ ମତାମତ ଦେଇଛନ୍ତି ୟୁଜର୍ସ । ତେବେ ଫିଲ୍ମକୁ ବ୍ଲକବ୍ଲଷ୍ଟର ଟ୍ୟାଗ ଦେଇଛନ୍ତି ୟୁଜର୍ସ । ଟ୍ରେଡ ଆନାଲିଷ୍ଟ ତରଣ ଆଦର୍ଶଙ୍କ ଅନୁଯାୟୀ ଏହି ଫିଲ୍ମ ଏକ ବଡ଼ ହିଟ୍ ହୋଇଛି ।

ସେ ଏକ୍ସରେ ଏକ ପୋଷ୍ଟ ସେୟାର କରି ଲେଖିଛନ୍ତି: “ଆନିମଲ୍ ଏକ ଚମତ୍କାର ନୋଟ୍ରୁ ଆରମ୍ଭ ହୁଏ । ସହରାଞ୍ଚଳ କେନ୍ଦ୍ରରୁ ମାସ ପକେଟ୍ ପର୍ଯ୍ୟନ୍ତ, ମଲ୍ଟିପ୍ଲେକ୍ସରୁ ସିଙ୍ଗଲ୍ ସ୍କ୍ରିନ୍ ପର୍ଯ୍ୟନ୍ତ, ଟାୟାର୍-1 ରୁ ଟାୟାର୍-୨ ଏବଂ ଟାୟାର୍ -3 କେନ୍ଦ୍ର, ପୂର୍ବ, ପଶ୍ଚିମ ଏବଂ ଉତ୍ତର ଦକ୍ଷିଣରୁ ରଣବୀର କପୁରଙ୍କ ଫିଲ୍ମ ‘ଆନିମଲ’ ସବୁଠାରୁ ବଡ ଓପନିଂ ଫିଲ୍ମ ହେବ ନିଶ୍ଚିତ ।’ ସେହିପରି ୟୁଜର୍ସ ମାନେ ମଧ୍ୟ ଫିଲ୍ମକୁ ନେଇ ବେଶ ପ୍ରଶଂସା କରିଛନ୍ତି ।