ଚଳନ୍ତା ଟ୍ରେନ୍ରେ ଡକାୟତି ଯୋଜନା ପଣ୍ଡ୍, ବନ୍ଧାହେଲେ ୪ ଲୁଟେରା
ଓଡ଼ିଆ ନ୍ୟୁଜ୍(ବ୍ୟୁରୋ): ଚଳନ୍ତା ଟ୍ରେନ୍ରେ ଡକାୟତି ଯୋଜନା ପଣ୍ଡ୍। ମାଡ଼ି ବସିଲା ଜିଆରପି ଓ ଆରପିଏଫ ପୋଲିସ । ପୁରୀ ରେଳ ଷ୍ଟେସନରେ ଚଢ଼ାଉ କରି ୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଗିରଫ ୪ ଅଭିଯୁକ୍ତ ହେଉଛନ୍ତି ଗଞ୍ଜାମ ଜିଲ୍ଲା ବାବାଜୀ ତୋଟାର ଜଗନ୍ନାଥ ବେହେରା, ହିଞ୍ଜିଳିକାଟୁ ଅଙ୍କରୋଡା ମାଧିସାହିର ମଙ୍ଗୁଳୁ ବେହେରା, ପୁରୁଷୋତ୍ତମପୁର ବଡ଼ସାହିର ସତ୍ୟ ମହାନ୍ତି ଓ ଜଟଣୀ ରାଜା ବଜାରର ଶିବ ରାଓ ।
ଅଭିଯୁକ୍ତଙ୍କ ଠାରୁ ପୋଲିସ ୪ଟି ଦାମୀ ମୋବାଇଲ, ୩ଟି ଛୁରୀ, ୪ଟି ଲଙ୍କାଗୁଣ୍ଡ ପ୍ୟାକଟ, ୨ଟି ଟ୍ରେନ୍ ଟିକେଟ, ୪ଟି କଳାମୁଖା ସହ ୭୧ ହଜାର ଟଙ୍କାର ସାମଗ୍ରୀ ଜବତ କରିଛି । ତେବେ କଳିଙ୍ଗ ଉତ୍କଳ ଏକ୍ସପ୍ରେସ୍ ପୁରୀ ଷ୍ଟେସନ ଛାଡ଼ିବା ପରେ ଚଳନ୍ତା ଟ୍ରେନ୍ରେ ଏହି ଅଭିଯୁକ୍ତମାନେ ଡକାୟତି ଯୋଜନା କରୁଥିବା ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛି ଜିଆରପି ଓ ଆରପିଏଫ ପୋଲିସ ।