ସୋସୋ ଆମ୍ବ ତୋଟାରେ ହାତୀର ସନ୍ଦେହ ଜନକ ମୃତ୍ୟୁ

ଓଡ଼ିଆ ନ୍ୟୁଜ,(ବ୍ୟୁରୋ): ସୋସୋ ଆମ୍ବ ତୋଟାରେ ଅଣ୍ଡିରା ହାତୀର ସନ୍ଦେହ ଜନକ ମୃତ୍ୟୁ | ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ହୋଇଥିବା ଅଭିଯୋଗ | କେନ୍ଦୁଝର ଜିଲ୍ଲାରେ ପୁଣି ଏକ ଦନ୍ତା ର ମୃତ୍ୟୁ ଘଟିଛି। ହଦଗଡ଼ ହସ୍ତୀ ଅଭୟାରଣ୍ୟରୁ ପଳାଇ ଆସି ସୋସୋ ଅଞ୍ଚଳରେ ବୁଲୁଥିବା ଅଣ୍ଡିରା ହାତୀର ସୋସୋ ଆମ୍ବ ତୋଟାରେ ସନ୍ଦେହ ଜନକ ମୃତ୍ୟୁ ହୋଇଛି।

ଗତକାଲି ରାତିରେ ହାତୀର ମୃତ୍ୟୁ ହୋଇଥିବା ସୂଚନା ଦେଇଛି ବନ ବିଭାଗ। ହାତୀର ବୟସ ୨୫ବର୍ଷ ହୋଇଥିବା ଅନୁମାନ କରା ଯାଉଛି। କିପରି ଓ କେଉଁ ଅବସ୍ଥାରେ ହାତୀର ମୃତ୍ୟୁ ଘଟିଲା ତାହାକୁ ନେଇ ସନ୍ଦେହ ପ୍ରକାଶ ପାଇଛି। ହାତୀଟି ସକାଳୁ ସକାଳୁ ଏକ ଆଶ୍ରମ ବାଡା ରେ ପଡ଼ି ମୃତ୍ୟୁ ହୋଇଥିବା ଦେଖିବାକୁ ମିଳିଛି।

ଖବର ପାଇ ଆଜି ସକାଳ୭ଟା ରେ ବନ ବିଭାଗର କର୍ମଚାରୀ ମାନେ ପହଞ୍ଚି ହାତୀର ମୃତଦେହକୁ ଜଗି ରହିଛନ୍ତି ବନ ବିଭାଗ । ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ତ୍ୟୁ ହୋଇଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକେ। ଆନନ୍ଦପୁର ଦିଏଫଓ ଅଭୟ ଦଳେଇ କହିଛନ୍ତି ଯେ ସେ ଏବେ ପହଞ୍ଚିଲେ, ତଦନ୍ତ କରିବା ପରେ ମୃତ୍ୟୁର କାରଣ ଜଣାପଡିବ ବୋଲି କହିଛନ୍ତି।