ଅଶାନ୍ତ ହେଉଛି ପଞ୍ଜାବ; ପୁଣି ପଞ୍ଜାବରେ ବଡ଼ ଷଡ଼ଯନ୍ତ୍ରର ଯୋଜନା କରିଛି ISIS, ସତର୍କ ସୂଚନା ଜାରି କଲା ଗୁଇନ୍ଦା ବିଭାଗ

ଗତ କିଛି ଦିନ ହେବ ପଞ୍ଜାବରେ ଏକ ଆଶାନ୍ତିକର ପରିସ୍ଥିତି ସୃଷ୍ଟି ହୋଇଛି। କିଛି ଦିନ ତଳେ ପଞ୍ଜାବର ଗୁପ୍ତଚର ବିଭାଗର କାର୍ଯ୍ୟାଳୟରେ ଆକ୍ରମଣ ପରେ ଏବେ ପଞ୍ଜାବର ଜେଲରେ ଆତଙ୍କବାଦୀ ଆକ୍ରମଣର ଭୟ ରହିଛି। ଏ ସମ୍ପର୍କରେ ପଞ୍ଜାବ ପୋଲିସକୁ ଇଣ୍ଟେଲିଜେନ୍ସ ଏଜେନ୍ସିମାନେ ସତର୍କ କରାଇଛନ୍ତି। ଏଜେନ୍ସିଗୁଡିକର ଆଲର୍ଟ ଅନୁଯାୟୀ, ୪ ଟି ଜେଲରେ ଆତଙ୍କବାଦୀ ଆକ୍ରମଣ ମାଧ୍ୟମରେ ଜେଲ ବ୍ରେକ କରିବାକୁ ଚେଷ୍ଟା କରିପାରନ୍ତି। ଏହାପୂର୍ବରୁ ଏପ୍ରିଲରେ ଚଣ୍ଡିଗଡ଼ ନିକଟ ବୁଡେଲ ଜେଲର ପାଚେରୀ ନିକଟରେ ବହୁ ପରିମାଣର ବିସ୍ଫୋରକ ସାମଗ୍ରୀ ଉଦ୍ଧାର କରାଯାଇଥିଲା।

ଗୁପ୍ତଚର ସୂତ୍ର ଅନୁଯାୟୀ, ପାକିସ୍ତାନର ଗୁପ୍ତଚର ଏଜେନ୍ସି ଆଇଏସଆଇ ପଞ୍ଜାବରେ ଗୋଟିଏ ପରେ ଗୋଟିଏ ଷଡଯନ୍ତ୍ର କରୁଛି। ଗୋଟିଏ ପଟେ ସେ ଡ୍ରୋନ୍ ମାଧ୍ୟମରେ ପାକିସ୍ତାନ-ପଞ୍ଜାବ ସୀମାରେ ଲଗାତାର ଅସ୍ତ୍ରଶସ୍ତ୍ର ଏବଂ ନିଶା ଦ୍ରବ୍ୟ ପଠାଉଛନ୍ତି, ଅନ୍ୟପଟେ ସେ ଆଉ ଏକ ବଡ଼ ଷଡ଼ଯନ୍ତ୍ର ରଚିଛନ୍ତି। ଏହି ଷଡଯନ୍ତ୍ରର ଏକ ଅଂଶ ଭାବରେ ସେ ପଞ୍ଜାବର ଚାରୋଟି ପ୍ରମୁଖ ଜେଲ ଉପରେ ଆକ୍ରମଣ କରି ସେମାନଙ୍କୁ ଜେଲରୁ ମୁକ୍ତ କରିବାକୁ ଯୋଜନା କରୁଥିବା ସୂତ୍ରରୁ ପ୍ରକାଶ।

ସୂଚନାନୁସାରେ, ଯେଉଁ ଜେଲରେ ଆତଙ୍କବାଦୀ ଆକ୍ରମଣରେ ଜେଲ ବ୍ରେକ ପାଇବା ପାଇଁ ଷଡଯନ୍ତ୍ର କରାଯାଉଛି, ସେଥିରେ ବଠୀଣ୍ଡା ଜେଲ, ଫିରୋଜପୁର ଜେଲ, ଅମୃତସର ଜେଲ ଏବଂ ଲୁଧିଆନା ଜେଲ ରହିଛି। ଗୁପ୍ତଚର ଏଜେନ୍ସି ଅନୁଯାୟୀ, ପାକିସ୍ତାନରେ ବସିଥିବା ବବର ଖାଲସା ଇଣ୍ଟରନ୍ୟାସନାଲ୍ ଆତଙ୍କବାଦୀ ମାଷ୍ଟରଙ୍କୁ ଏହି ଷଡଯନ୍ତ୍ରର ଦାୟିତ୍ଵ ଦିଆଯାଇଛି।

ବବର ଖାଲସା ଇଣ୍ଟରନ୍ୟାସନାଲର ପଞ୍ଜାବରେ ବସିଥିବା ଏହି ଆତଙ୍କବାଦୀମାନେ ନିଜ ଚେଲାଙ୍କ ମାଧ୍ୟମରେ ଏହି ଯୋଜନା କାର୍ଯ୍ୟକାରୀ କରିବା ଆରମ୍ଭ କରିଛନ୍ତି। ପାକିସ୍ତାନରେ ବସିଥିବା ଏହି ଆତଙ୍କବାଦୀଙ୍କ ମଧ୍ୟରେ ରିନ୍ଦାଙ୍କ ନାମ ମଧ୍ୟ ଅନ୍ତର୍ଭୁକ୍ତ ବୋଲି କୁହାଯାଉଛି। ଗତ କିଛି ମାସ ମଧ୍ୟରେ ଏହି ଆତଙ୍କବାଦୀ ତାଙ୍କ ପାକିସ୍ତାନୀ ମାଷ୍ଟରଙ୍କ ନିର୍ଦ୍ଦେଶରେ ପଞ୍ଜାବରେ ଅନେକ ବଡ଼ ଘଟଣା ଘଟାଇଛନ୍ତି।