ରାଗିଗଲେ ପ୍ରଧାନ ବିଚାରପତି, କହିଲେ ‘ମୋ ଅଧିକାରକୁ ଚ୍ୟାଲେଞ୍ଜ କରନାହିଁ’

ଓଡ଼ିଆ ନ୍ୟୁଜ୍(ବ୍ୟୁରୋ): ରାଗିଗଲେ ସର୍ବୋଚ୍ଚ ନ୍ୟାୟାଳୟର ପ୍ରଧାନ ବିଚାରପତି । ସବୁବେଳେ ଶାନ୍ତ ରହୁଥିବା ପ୍ରଧାନ ବିଚାରପତି (ସିଜେଆଇ) ଡିୱାଇ ଚନ୍ଦ୍ରଚୂଡ଼ ମଙ୍ଗଳବାର ଜଣେ ଆଇନଜୀବୀଙ୍କ ଉପରେ ରାଗିଯାଇଛନ୍ତି । ଏହାପରେ ସମ୍ପୃକ୍ତ ଆଇନଜୀବୀଙ୍କ ଉପରେ ବିରକ୍ତ ହୋଇଥିବାର ଦେଖାଯାଇଥିଲା । ଓକିଲ ତାଙ୍କ ଆବେଦନର ଶୁଣାଣି ପାଇଁ ଶୀଘ୍ର ତାରିଖ ପାଇଁ ଚାପ ପକାଉଥିଲେ । ପ୍ରଧାନ ବିଚାରପତି ଓକିଲଙ୍କୁ କହିଥିଲେ, “ମୋ ସହିତ ଏଭଳି ଚାଲ୍ କରନ୍ତୁ ନାହିଁ । ଏଠାରେ ଆବେଦନ କରିବା ପରେ, ଶୀଘ୍ର ତାରିଖ ପକାଇବା ପାଇଁ ଏହାକୁ ଅନ୍ୟତ୍ର ଦାଖଲ କରିବା ଉଚିତ୍ ବୋଲି କୁହନ୍ତୁ ନାହିଁ । ମୋ ଅଧିକାରକୁ ଚ୍ୟାଲେଞ୍ଜ କରନାହିଁ । ସଂପୃକ୍ତ ଓକିଲ ଏକ ମାମଲାର ଶୀଘ୍ର ଶୁଣାଣି ପାଇଁ ଦାବି କରିଥିଲେ । ଓକିଲ କହିଥିଲେ ଯେ, ଯଦି ସିଜେଆଇଙ୍କ ଅଧ୍ୟକ୍ଷତାରେ ଥିବା ବେଞ୍ଚ୍ ଅନୁମତି ଦିଅନ୍ତି ତେବେ ମାମଲାକୁ ଅନ୍ୟ ଏକ ବେଞ୍ଚ ଆଗରେ କରାଯିବ । ଏହା ଶୁଣି ସିଜେଆଇ ଚନ୍ଦ୍ରଚୂଡ଼ ରାଗିଯାଇଥିଲେ । ଏହା ଉଚିତ୍ ପନ୍ଥା ନୁହେଁ, ଏପରି ଚଳିବ ନାହିଁ । ଏହା ପରେ ସଂପୃକ୍ତ ଓକିଲ ତୁରନ୍ତ କ୍ଷମା ପ୍ରାର୍ଥନା କରିଥିଲେ .।

 ଜବାବରେ ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ କହିଛନ୍ତି , ଆପଣଙ୍କ କ୍ଷମା ପ୍ରାର୍ଥନା ଗ୍ରହଣ କରାଯାଇଛି , କିନ୍ତୁ ମନେରଖନ୍ତୁ ମୋ ଅଧିକାରକୁ ଚ୍ୟାଲେଞ୍ଜ କରିବାକୁ ଚେଷ୍ଟା କରନ୍ତୁ ନାହିଁ । ଏହି ମାମଲାର ପରବର୍ତ୍ତୀ ଶୁଣାଣି ପାଇଁ ସେ ଏପ୍ରିଲ ୧୭ ତାରିଖ ଧାର୍ଯ୍ୟ କରିଛନ୍ତି । ଏହା ପୂର୍ବରୁ ଗତ ଫେବ୍ରୁଆରି ମାସରେ ପ୍ରଧାନ ବିଚାରପତି ଜଷ୍ଟିସ ଚନ୍ଦ୍ରଚୂଡ଼ ଏକ ପିଟିସନ୍ ତାଲିକାଭୁକ୍ତ କରିବା ସମୟରେ ଆପତ୍ତିଜନକ ଶବ୍ଦ ବ୍ୟବହାର କରିଥିବାରୁ ଜନୈକ ବରିଷ୍ଠ ଓକିଲଙ୍କୁ କଡ଼ା ସମାଲୋଚନା କରିଥିଲେ ଏବଂ ତାଙ୍କୁ ଅଦାଲତ ଛାଡ଼ିବାକୁ ନିର୍ଦ୍ଦେଶ ଦେଇଥିଲେ ।