ଦୁନିଆକୁ ଝିଅ ଆସିବା ପୂର୍ବରୁ ଚାଲିଗଲା ବାପା

ଓଡ଼ିଆ ନ୍ୟୁଜ,(ବ୍ୟୁରୋ): ଏମିତି ବି ଦୁଃଖ ଆସେ | ଦର୍ଶକ ବନ୍ଧୁ ଦୁଃଖ ଯେବେ ଆସେ ସେ ସମୟ ରେ କଥା ବର୍ଣ୍ଣନା କରିବା ହୁଏତ କଷ୍ଟ ସାଧ୍ୟ। ଏମିତି ଏକ କାହାଣୀ ଯାହା କହିବା ବେଳେ ଆଖିରେ ଆସି ଯାଉଛି ଅଜସ୍ର ଅଶ୍ରୁ। ପିଲାଟି ଜନ୍ମ ହୋଇ ନ ଥିଲା ଆଉ କିଛି ଦିନ ଥିଲା ସଂସାରକୁ ଆସିବାକୁ, ହେଲେ ଦଇବ ସାଜିଲା ଦାଉ |ଦୁନିଆ ଦେଖିବା ପୂର୍ବରୁ ତା ବାପାକୁ ନେଇ ଗଲା ଦଇବ | ଏମିତି ବି ବାପାର ଏକାଦଶହ କ୍ରମ ଚାଲିଥିବା ବେଳେ ପିଲାଟି ଦୁନିଆକୁ ଆସିଥିଲା |

ମା କୋଳରେ ଥାଇ କୁଆଁ କୁଆଁ ଡାକ ଦେଇଥିଲା। ହଁ ଦର୍ଶକ ବନ୍ଧୁ ବାସୁଦେବପୁର ବ୍ଲକ ଅନ୍ତର୍ଗତ ପଢ଼ୁଆଁ ଗ୍ରାମ ପଞ୍ଚାୟତ ରେ ମଣିଭଦ୍ର ମଲିକଙ୍କର ସଂସାର କହିଲେ ସ୍ତ୍ରୀ ଓ ଗୋଟେ ଝିଅ | କଷ୍ଟ ମଷ୍ଟେ ପରିଶ୍ରମ କରି ଯାହା ରୋଜଗାର କରନ୍ତି ଘର ଚଳି ଯାଏଁ। ଏମିତି ସମୟରେ ମଣିଭଦ୍ର ଙ୍କ ସ୍ତ୍ରୀ ରିନା ରାଣୀ ପୁଣି ଗର୍ଭବତୀ ହୋଇ ସ୍ବାମୀ ଓ ସ୍ତ୍ରୀ ଦ୍ୱିତୀୟ ସନ୍ତାନ ର ଆଗମନ କୁ ଅପେକ୍ଷା କରି ରହିଥିଲେ। ଠିକ୍ ଏହି ସମୟ ରେ ଦଇବ ସାଜି ଥିଲା ଦାଉ, ଛଡେଇ ନେଇ ଥିଲା ରିନା ଓ ତାଙ୍କ ଝିଅ ଙ୍କ ଠାରୁ ମଣିଭଦ୍ର ଙ୍କୁ। ସବୁଦିନ ପାଇଁ ମଣିଭଦ୍ର ଆଖି ବୁଝି ଦେଇଥିଲେ। କିଛି ଜାଣି ନ ଥିବା ଦ୍ୱିତୀୟ କନ୍ୟା ସନ୍ତାନ ଜନ୍ମ ନେଇଥିଲା । ହିଁ ଦର୍ଶକ ବନ୍ଧୁ ଅମାବାସ୍ୟା ର ଘୋର ଅନ୍ଧକାର ପରି ଦୁଃଖ ମାଡ଼ି ଆସିଲା ଏହି ପରିବାରକୁ। ଦୁଇ ଟି କନ୍ୟା ସନ୍ତାନ କୁ ନେଇ ରିନା ହୋଇ ଯାଇଥିଲେ ନିରୁପାୟ।

ନା ଥିଲା ତାଙ୍କ ପାଖେ ରାସନ୍ କାର୍ଡ , ନା ଆବାସ ନା ଅନ୍ୟ କିଛି ସହାୟତା। ଦୁଃଖ ଓ କଷ୍ଟ ରେ ଏମିତି ଜୀବନ ଅତିବାହିତ କରୁଥିଲେ। ଖବର ପାଇ ବିଜେପି କାର୍ଯ୍ୟ କର୍ତ୍ତା ମାନେ ବୁଧବାର ତାଙ୍କ ନିକଟ ରେ ଉପସ୍ଥିତ ରହି ଥିଲେ। ସୁଦୂର ଭୁବନେଶ୍ୱର ରୁ ଛୁଟି ଆସିଥିଲେ ବିଜେପି ମହିଳା ମୋର୍ଚ୍ଚା ର କାର୍ଯ୍ୟ କର୍ତ୍ତା ପଦ୍ମିନୀ ପରିଡ଼ା, ଯାଜପୁର ରୁ ଲିଲିମା ଭଦ୍ର, ଯୁବ ମୋର୍ଚ୍ଚା ଯାଜପୁର ଜିଲ୍ଲା ର କାର୍ଯ୍ୟ କର୍ତ୍ତା ସତ୍ୟ ରଞ୍ଜନ ସାହୁ, ବାସୁଦେବପୁର ବିଜେପି କାର୍ଯ୍ୟ କର୍ତ୍ତା ଜୟ ପ୍ରକାଶ ମଲ୍ଲିକ, ବିଜୟ ମାଝୀ, ମିନତି ପାତ୍ର, ରମେଶ ସ୍ୱାଇଁ,ବିଭୂତି ପାଣିଗ୍ରାହୀ, ଓ ପ୍ରଭାତ ନାୟକ ଓ ଅନ୍ୟ ମାନେ। କେମିତି ସରକାରୀ ସହଯୋଗ ଓ ସୁବିଧା ପାଇ ପାରିବେ ଆଲୋଚନା କରିବା ସହ କିଛି ଶୁଖିଲା ଖାଦ୍ୟ ପଦାର୍ଥ ପ୍ରଦାନ କରିଥିଲେ।