ପିଆଜକୁ ନେଇ ଚର୍ଚ୍ଚାରେ ମହାରାଷ୍ଟ୍ରର ପୂର୍ବତନ କୃଷିମନ୍ତ୍ରୀଙ୍କ ବୟାନ

ଓଡ଼ିଆ ନ୍ୟୁଜ୍ (ବ୍ୟୁରୋ): ଟମାଟୋ ପରେ ଏବେ ଗ୍ରାହକଙ୍କୁ କନ୍ଦାଇଲାଣି ପିଆଜ ଦର । ପିଆଜ ଦର ଦିନକୁ ଦିନ ବଢିବାରେ ଲାଗିଛି । ଏହାରି ଭିତରେ ମହାରାଷ୍ଟ୍ରରେ ଲଗାତାର ଭାବେ ପିଆଜର ଦାମ ବଢିବାରେ ଲାଗିଛି। ଏହି ଘଟଣାକୁ ନେଇ ମହାରାଷ୍ଟ୍ରର ପୂର୍ବତନ କୃଷିମନ୍ତ୍ରୀଙ୍କର ଏକ ବିବାଦୀୟ ବୟାନ ସାମ୍ନାକୁ ଆସିଛି। ସେ କହିଛନ୍ତି ଯଦି ଲୋକେ ମାସେ ଦୁଇମାସ ପିଆଜ ନ ଖାଇବେ ତେବେ କିଛି ବିଗିଡିଯିବ ନାହିଁ। ବାସ୍ତବରେ ପିଆଜ ଉପରେ ୪୦ପ୍ରତିଶତ ରପ୍ତାନି ଶୁଳ୍କ ଲାଗୁ କରାଯାଇଛି।

କୃଷକ ଏବଂ ବ୍ୟବସାୟୀମାନେ ଏହାକୁ ବିରୋଧ କରୁଛନ୍ତି। ଏହି ସମୟରେ ନାଶିକର ମନ୍ତ୍ରୀ ଦାଦା ଭୁସେ ସାଧାରଣ ଜନତାଙ୍କୁ ଏକ ଅଦ୍ଭୁତ ପରାମର୍ଶ ଦେଇଥିଲେ। ସେ କହିଛନ୍ତି ଯେ ମୂଲ୍ୟ ବୃଦ୍ଧି ହେତୁ ଯଦି ଲୋକମାନେ ପିଆଜ କିଣି ପାରିବେ ନାହିଁ, ତେବେ ଦୁଇ-ଚାରିମାସ ପର୍ୟ୍ୟନ୍ତ ଏହାକୁ ଖାଇବା ଉଚିତ ନୁହେଁ। ଏହାଦ୍ୱାରା ପିଆଜ ନଷ୍ଟ ହେବନାହିଁ। ତେବେ ରାଜ୍ୟ ପିଡବ୍ଲ୍ୟୁଡି ମନ୍ତ୍ରୀ ସୋମବାର ମଧ୍ୟ କହିଛନ୍ତି ଯେ ରପ୍ତାନି ଶୁଳ୍କ ଲାଗୁ କରିବାର ନିଷ୍ପତ୍ତି ଉପଯୁକ୍ତ ସମନ୍ବୟ ସହିତ ନିଆଯିବା ଉଚିତ।