ସୋରରେ ଗୋଟିଏ ଦିନରେ ତନିଟି ଘରୁ ଚୋରି

ଓଡ଼ିଆ ନ୍ୟୁଜ,(ବ୍ୟୁରୋ): ସୋରରେ ଗୋଟିଏ ଦିନରେ ତନିଟି ଘରୁ ଚୋରି | ବାଲେଶ୍ୱର ଜିଲ୍ଲା ସୋର ପୌର ପାଳିକା ଅଞ୍ଚଳରେ ଗୋଟିଏ ଦିନରେ ତିନିଟି ଘରୁ ଚୋରି ହୋଇଥିବା ବେଳେ ଲୁଟେରାମାନେ ସେମାନଙ୍କ ଉପସ୍ଥିତି ପୁଣି ଜାହିର କରିଛନ୍ତି।ଅନ୍ୟ ପକ୍ଷରେ ସୋର ପୋଲିସକୁ ଲୁଟେରା ମାନଙ୍କର ଏହା ଏକ ପ୍ରକାରର ଖୋଲା ଚ୍ୟାଲେଞ ଭଳି ଲାଗୁଛି।

ସୂଚନା ଅନୁସାରେ ବାଲେଶ୍ୱର ଜିଲ୍ଲା ସୋର ପୈ।ରପାଳିକା ଅନ୍ତର୍ଗତ ମୁଳେଶ୍ୱର ଗ୍ରାମରୁ ତିନୋଟି ସ୍ଥାନରୁ ଚୋରି ହୋଇଥିବା ବେଳେ ସୋର ପୁଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ଏହି ଗ୍ରାମର ପିତାମ୍ବର ସେଠୀଙ୍କ ଘରେ କେହି ନ ଥିବା ବେଳେ ଚୋର ମାନେ ସିଡିଘର ଆଜବେଷ୍ଟସ ଭାଙ୍ଗି ଘର ମଧ୍ୟରେ ପଶି ଏକ ଭରି ଓଜନର ସୁନା ଅଳଙ୍କାର ଏବଂ ଦୋକାନରୁ ୧୫ ହଜାର ଟଙ୍କାର ସାମଗ୍ରୀ ଚୋରି କରିନେଇଛନ୍ତି।

ସେହିପରି ନିକଟରେ ଥିବା ଇମତିଆଜ ଖାନଙ୍କ ଦୋକାନର ଚାବି ଭାଙ୍ଗି ୧୧୫୦୦ ଟଙ୍କା ସମେତ ଅନ୍ୟ ସାମଗ୍ରୀ ଚୋରି କରିନେଇଥିବା ଜଣାଯାଇଛି।ତା ସହିତ ଅନ୍ୟ ଜଣଙ୍କ ଘରୁ ଚୋରି ହୋଇଥିବା ଜଣାପଡିଥିଲେ ମଧ୍ୟ ଘର ମାଲିକ ବାହାରେ ଥିବାରୁ କଣ ଚୋରି ହୋଇଛି ତାହା ସଠିକ ଜଣାପଡ଼ିନାହିଁ। ତେବେ ଏ ବାବଦରେ ସୋର ଥାନାରେ ଅଭିଯୋଗ ହେବାପରେ ପୁଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।