ବାଲ ଗଣେଶଙ୍କ ପୂଜା ଧୁମ୍ ଧାମରେ ପାଳନ

ଓଡ଼ିଆ ନ୍ୟୁଜ,(ବ୍ୟୁରୋ): ବାଲ ଗଣେଶଙ୍କ ପୂଜା ଧୁମ୍ ଧାମରେ ପାଳନ।  ସ୍ଥାନୀୟ ମୁଖ୍ୟ ବଜାର ପଛ ଏଗାର ନମ୍ୱର୍ ୱାର୍ଡ ରେ ବାଲ ଗଣେଶ ପୂଜା କମିଟି ପକ୍ଷରୁ ପ୍ରଭୁ ଗଣେଶ ଙ୍କ ପୂଜା ଧୁମ୍ ଧାମରେ ପାଳନ ହୋଇ ଯାଇଛି। ପୂଜା କମିଟି ପକ୍ଷରୁ ପ୍ରଭୁ ଗଣେଶ ଙ୍କ ଏକ ବିଶାଳ ମୂର୍ତ୍ତି ରେ ପୂଜା କରା ଯାଇଛି। ଏହି ଅବସର ରେ ଚାରି ଦିନ ଧରି ସାଂସ୍କୃତିକ କାର୍ଯ୍ୟ କର୍ମ ଅନୁଷ୍ଟିତ ହୋଇ ଯାଇଛି।

ଏକ ନିଆରା କାର୍ଯ୍ୟ କର୍ମ ରେ ବାସୁଦେବପୁର ବ୍ଳକ ରୁ ସଙ୍ଗୀତ ନୃତ୍ୟ ପ୍ରତିଯୋଗିତା ପାଇଁ ସିନିୟର୍ ଓ ଜୁନିୟର ପିଲା ମାନଙ୍କୁ ନେଇ ପ୍ରତିଯୋଗିତା କରାଯାଇ ସମସ୍ତ ପ୍ରତିଯୋଗୀ ମାନଙ୍କୁ ମାନପତ୍ର ସହ ଉପହାର ପ୍ରଦାନ କରାଯିବ ସହ ପ୍ରଥମ ଦ୍ୱିତୀୟ ତୃତୀୟ ହୋଇ ଥିବା ପ୍ରତିଯୋଗୀ ଙ୍କୁ ମାନ ପତ୍ର ସହ ଆର୍ଥିକ ରାଶି ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଛି। ଏହି ଅବସର ରେ ବିଧାୟକ ଅଶୋକ କୁମାର ଦାସ, ପୂର୍ବତନ ବିଧାୟକ ମୁକ୍ତି କାନ୍ତ ମଣ୍ଡଳ, ସମାଜସେବୀ ସୁରେଶ ଚନ୍ଦ୍ର ମହାନ୍ତି,ସରପଂଚ ସୁବାସ ସନ୍ଧି ବିଗ୍ରହ, ଯୁବ ସମାଜସେବୀ ସିଦ୍ଧାନ୍ତ ଦାସ, ଯୋଗ ଦେଇଥିଲେ।

ଅଧ୍ୟାପକ ରାଜ କିଶୋର ରାୟ ମଞ୍ଚ ସଂଯୋଜନା କରିଥିବା ବେଳେ ଆଲେଖ ପରିଡ଼ା ସାଂସ୍କୃତିକ କାର୍ଯ୍ୟ କର୍ମ ରେ ଅନୁଷ୍ଟିତ ପ୍ରତିଯୋଗିତା କୁ ପରିଚାଳନା କରିଥିଲେ। ବାଲ ଗଣେଶ ପୂଜା କମିଟି ପକ୍ଷରୁ କୃଷ୍ଣ ଚନ୍ଦ୍ର ମହାକୁଡ, ରାଜେଶ୍ ମହାନ୍ତି, ରାଜା ରାମ ମଣ୍ଡଳ, ସନ୍ଦୀପ, ବାପୁନୁ ଖଟୁଆ, ରତନ ସାହୁ, ପ୍ରଶାନ୍ତ ସାହୁ, ଗୋବିନ୍ଦ ପାଢ଼ୀ, ପିଣ୍ଟୁ ଦାସ, ଅବନୀ ମଣ୍ତଳ,ବଳରାମ ନାୟକ ଙ୍କ ସହ ଅନ୍ୟ ସଦସ୍ୟ ପ୍ରମୁଖ ଉପସ୍ଥିତ ରହି ସଫଳ କରାଇ ଥିଲେ।