କାଲିଠୁ ବାରବାଟୀ ମ୍ୟାଚ ପାଇଁ ବିକ୍ରୀ ହେବ ଟିକେଟ, ଜାଣନ୍ତୁ କେମିତି କରିବେ ବୁକିଂ?
କଟକ(ଓଡ଼ିଆ ନ୍ୟୁଜ୍): ଜୁନ୍ ୧୨ରେ ବାରବାଟୀରେ ହେବ ଭାରତ-ଦକ୍ଷିଣଆଫ୍ରିକା ଟି-୨୦ ମ୍ୟାଚ୍ । ଏଥିପାଇଁ କାଲିଠୁ ଆରମ୍ଭ ହୋଇଯିବ ଅନଲାଇନରେ ଟିକେଟ୍ ବିକ୍ରୀ । ପୂର୍ବାହ୍ନ ୧୧ଟାରୁ ଅନଲାଇନରେ ୫ ହଜାର ଟିକେଟ୍ ବିକ୍ରି କରାଯିବ । ପେଟିଏମ୍ ଇନସାଇଡର ଆପ୍, ପେଟିଏମ୍ ଆପରେ ଅନଲାଇନ୍ ଟିକେଟ୍ ବୁକ୍ କରିପାରିବେ ଦର୍ଶକ । ପରିଚୟ ପତ୍ର ଦେଇ ଜଣେ ବ୍ୟକ୍ତି ଦୁଇଟି ଟିକେଟ୍ ବୁକ୍ କରିପାରିବେ । ପେଟିଏମ୍ ଇନସାଇଡର ଆପ୍, ପେଟିଏମ୍ ଆପ୍ ଏବଂ ୱେବସାଇଟରେ ଅନଲାଇନ୍ ଟିକେଟ୍ ବୁକ୍ କରିହେବ । କେବଳ ଗ୍ୟାଲେରୀ ନଂ. ୨, ୪, ୭, ସ୍ପେଶାଲ ଏନକ୍ଲୋଜର, ଏସି ବକ୍ସ ପାଇଁ ଟିକେଟ୍ ଉପଲବ୍ଧ ହେବ । ଜୁନ୍ ୯, ୧୦ରେ କାଉଣ୍ଟରରେ ମିଳିବ ଟିକେଟ୍ ।