ଯାଜପୁର: ଘରକୁ ଫେରୁଥିବା ବେଳେ ସ୍କୁଟିକୁ ସାମ୍ନାପଟୁ ଧକ୍କା ଦେଲା ଟ୍ରକ, ଘଟଣା ସ୍ଥଳରେ ଆଖି ବୁଜିଲେ ଯୁବକ

ଓଡ଼ିଆ ନ୍ୟୁଜ୍(ବ୍ୟୁରୋ):  କୋରେଇ ଥାନା ବ୍ରାହ୍ମଣୀ ଦେବୀ ଛକରେ ଟ୍ରକ ସହିତ ସ୍କୁଟି ଗାଡି ଧକ୍କା,ସ୍କୁଟି ଚାଳକ ଘଟଣା ସ୍ଥଳରେ ମୃତ, ପୋଲିସର ତଦନ୍ତ ଆରମ୍ଭ l ସୂଚନା ମୁତାବକ ଆଜି ସଖାଳୁ ସୋବର ଗାଁର ପ୍ରଦୀପ ନାଟିଆ ନୂଆଗଡ ଗୋଲେଇ ଦେଇ ଛକ ନିଜ ଭଡାଘରକୁ ସ୍କୁଟି ଗାଡ଼ିରେ ଯାଉଥିଲେ l ହଠାତ ବ୍ରହ୍ମାଣୀଦେବୀ ଛକରେ ଅପରପକ୍ଷରୁ ଏକ ଟ୍ରକ ଦ୍ରୁତ ଗତିରେ ଆସି ଯୁବକଙ୍କ ସ୍କୁଟି ଗାଡିକୁ ଧକ୍କା ଦେଇଥିଲା l ଫଳରେ ଯୁବକ ଜଣଙ୍କ ସ୍କୁଟି ଗାଡ଼ିରୁ ରୁ ଖୋପାଡ଼ି ହେଇ ପଡ଼ି ଘଟଣା ସ୍ଥଳରେ ମୃତ୍ୟୁ ବରଣ କରିଛନ୍ତି l

ସେପଟେ ଦୁର୍ଘଟଣା ଦେଖି ସ୍ଥାନୀୟ ଲୋକେ ଟ୍ରକକୁ ଅଟକ ରଖି କୋରେଇ ପୋଲିସକୁ ଖବର ଦେଇଥିଲେ l ତେବେ ଖବର ପାଇ କୋରେଇ ପୋଲିସ ତୁରନ୍ତ ଘଟଣା ସ୍ଥଳରେ ପହଂଚି ଶବକୁ ବ୍ୟବଛେଦ ପାଇଁ ପଠାଇ ଛନ୍ତି l ଏଥିସହିତ ଟ୍ରକକୁ ଅଟକ ରଖି ଥିବା ସୂଚନା ମିଳିଛି l ସେପଟେ ମୃତ ପ୍ରଦୀପ 3ବର୍ଷ ହେବ ବିବାହ କରିଥିଲେ l ତାଙ୍କର ମୃତ୍ୟୁ ଖବର ଶୁଣି ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି l