ଅବିଶ୍ବସନୀୟ ଓ ଦୂରଦ୍ରଷ୍ଟା ମୋଦି : ଆମେରିକା ବାଣିଜ୍ୟ ସଚିବ
ଓଡ଼ିଆ ନ୍ୟୁଜ୍(ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସା କଲେ ଆମେରିକାର ବାଣିଜ୍ୟ ସଚିବ ଜିନା ରାୟମୋଣ୍ଡୋ । ମୋଦିଙ୍କୁ ସେ ଅବିଶ୍ବସନୀୟ ଓ ଦୂରଦ୍ରଷ୍ଟା ବୋଲି ବର୍ଣ୍ଣନା କରିଛନ୍ତି। ବିଶ୍ବର ସବୁଠୁ ଲୋକପ୍ରିୟ ନେତା ମୋଦି ଭାରତକୁ ବିଶ୍ବ ଶକ୍ତିରେ ପରିଣତ କରିବା ଦିଗରେ ଆଗ୍ରହ ରଖି କାର୍ଯ୍ୟ କରୁଛନ୍ତି । ଗତମାସରେ ରାୟମୋଣ୍ଡୋ ଭାରତ ଗସ୍ତରେ ଆସିବା ସମୟରେ ପ୍ରଧାନମନ୍ତ୍ରୀଙ୍କ ସହିତ ତାଙ୍କର ସାକ୍ଷାତକାର ହୋଇଥିଲା । ଶନିବାର ଭାରତୀୟ ଦୂତାବାସ ପକ୍ଷରୁ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ ରାୟମୋଣ୍ଡୋ ଏହା କହିଛନ୍ତି । ଜିନା ଆହୁରି ବି କହିଛନ୍ତି ମୋଦି ଯେ କୌଣସ କାରଣ ପାଇଁ ହେଉନା କାହିଁକି ବିଶ୍ୱର ଲୋକପ୍ରିୟ ନେତା। ପିଏମ ମୋଦି ଜଣେ ଭିଜନରି ନେତା। ଆମେରିକାରେ ଏକ କାର୍ଯ୍ୟକ୍ରମରେ ସମ୍ବୋଧନ ଦେବା ସମୟରେ ଜିନା ରାଇମୋଣ୍ଡୋ କହିଛନ୍ତି, ନିକଟରେ ମୁଁ ପ୍ରଧାନମନ୍ତ୍ରୀ ମୋଦିଙ୍କ ସହ ଏକ ଘଣ୍ଟାରୁ ଅଧିକ ସମୟ ବିତାଇଛି। ଭାରତବାସୀଙ୍କ ପାଇଁ ତାଙ୍କ ସମର୍ପଣ ଅଦ୍ଭୁତପୂର୍ବ । ସେ ଲୋକଙ୍କୁ ଗରିବ ମୁକ୍ତ କରିବାକୁ ଚାହାଁନ୍ତି ଓ ଦେଶକୁ ଆଗକୁ ବଢାଇ ଅନ୍ତର୍ଜାତୀୟ ସ୍ତରରେ ସଶକ୍ତ କରିବାକୁ ଚାହାଁନ୍ତି।