କର୍ଣ୍ଣାଟକରେ ଜୋରଦାର ପୋଷ୍ଟର ୱାର୍

ଓଡ଼ିଆ ନ୍ୟୁଜ୍ (ବ୍ୟୁରୋ): କର୍ଣ୍ଣାଟକରେ ହୋଇଥିବା ବିଶାଳ ବିଜୟ ପରେ ମୁଖ୍ୟମନ୍ତ୍ରୀଙ୍କ ନାମକୁ ନେଇ କଂଗ୍ରେସରେ ଚର୍ଚ୍ଚା ଜୋର ଧରିଛି। ମୁଖ୍ୟମନ୍ତ୍ରୀ ପଦ ପାଇଁ ପ୍ରାର୍ଥୀଙ୍କ ନାମ ଉପରେ ଆଲୋଚନା ପାଇଁ ରବିବାର (ମଇ ୧୪) ସନ୍ଧ୍ୟାରେ ବିଧାନସଭା ପାର୍ଟିର ଏକ ବୈଠକ ଡକାଯାଇଛି। ବିଧାନସଭାରେ ବିରୋଧୀ ଦଳର ନେତା ସିଦ୍ଧରମେୟା ଏବଂ କର୍ଣ୍ଣାଟକ ପ୍ରଦେଶ କଂଗ୍ରେସ କମିଟି ସଭାପତି ଡି.କେ ଶିବକୁମାର ମୁଖ୍ୟମନ୍ତ୍ରୀ ପଦ ପାଇଁ ମୁଖ୍ୟ ପ୍ରତିଦ୍ୱନ୍ଦ୍ୱୀ ଅଟନ୍ତି। ଏହି ସମୟରେ କର୍ଣ୍ଣାଟକରେ ପୋଷ୍ଟର ଯୁଦ୍ଧ ଆରମ୍ଭ ହୋଇଛି।

ସିଦ୍ଧରମେୟା ଏବଂ ଶିବକୁମାରଙ୍କ ବାସଭବନରେ ସେମାନଙ୍କ ସମର୍ଥକମାନେ ବ୍ୟାନର ଲଗାଇ କଂଗ୍ରେସ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି ଏବଂ ଉଭୟଙ୍କୁ ପରବର୍ତ୍ତୀ ମୁଖ୍ୟମନ୍ତ୍ରୀ ଭାବରେ ପ୍ରୋଜେକ୍ଟ କରିଛନ୍ତି। ଦଳ ସୂତ୍ର ଅନୁଯାୟୀ, ନବ ନିର୍ବାଚିତ ବିଧାୟକଙ୍କ ମତାମତ ନିଆଯିବ ଏବଂ ସେହି ଆଧାରରେ ସେମାନଙ୍କୁ ଆବଶ୍ୟକ ହେଲେ ସେମାନଙ୍କ ନେତାଙ୍କୁ ଭୋଟ୍ ଦେବାକୁ ମଧ୍ୟ କୁହାଯାଇପାରେ। କର୍ଣ୍ଣାଟକ ସିଏଲପି ବୈଠକ ପାଇଁ କଂଗ୍ରେସର ସାଧାରଣ ସଚିବ ସୁଶୀଲ କୁମାର ସିନ୍ଦେ, ଦୀପକ ବାବରିଆ ଏବଂ ଜିତେନ୍ଦ୍ର ସିଂ ଅଲୱାରଙ୍କୁ ପର୍ୟ୍ୟବେକ୍ଷକ ଭାବେ ନିଯୁକ୍ତ କରାଯାଇଛି।

କଂଗ୍ରେସ ପାଇଁ ବଡ ବିଜୟ 
୨୨୪ ସଦସ୍ୟ ବିଶିଷ୍ଟ କର୍ଣ୍ଣାଟକ ବିଧାନସଭା ପାଇଁ ଫଳାଫଳ ମେ ୧୩ ରେ ଘୋଷଣା କରାଯାଇଥିଲା। ଯେଉଁଥିରେ କଂଗ୍ରେସ ଏକ ବମ୍ପର ବିଜୟ ହାସଲ କରି ୧୩୫ ଟି ଆସନ ଜିତିଛି ଜ୍ଝ ବିଜେପି ମାତ୍ର ୬୬ ଟି ଆସନ ଜିତିପାରେ ଏବଂ ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବ ଗ ଏକ୍ଟଙ୍ଗ ଡାଙ୍କ ଜନତା ଦଳ (ଧର୍ମନିରପେକ୍ଷ) ୧୯ ଟି ସିଟ୍ ଜିତିଛି। ଆଠ ଥର ବିଧାୟକ ଶିବକୁମାର ଏବଂ ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମ ସବଷ ୟା ମୁଖ୍ୟମନ୍ତ୍ରୀ ହେବାକୁ ଇଚ୍ଛା ପ୍ରକାଶ କରିଛନ୍ତି।