ଋଷର ଆକ୍ରମଣରେ ବିମାନ ବନ୍ଦର ଧ୍ୱଂସ; ଇରପିନରେ ସାଧାରଣ ନାଗରିକଙ୍କର ବଡ଼ କ୍ଷତି
ୟୁକ୍ରେନ ବିରୁଦ୍ଧରେ ଋଷିଆର ଯୁଦ୍ଧ ହେବାର ୧୧ ଦିନ ବିତିଗଲାଣି। ୟୁକ୍ରେନ ସୈନ୍ୟବାହିନୀ ବର୍ତ୍ତମାନ ପର୍ଯ୍ୟନ୍ତ ଋଷିଆ ପାଇଁ ଅବରୋଧ ପରିସ୍ଥିତିକୁ ବଜାୟ ରଖିଛନ୍ତି। ଋଷ ଦ୍ବାରା ୟୁକ୍ରେନର ରାଜଧାନୀ କିଭ ଏବଂ ଦ୍ୱିତୀୟ ବୃହତ୍ତମ ସହର ଖାର୍କିଭ ଉପରେ ହେଉଥିବା ଆକ୍ରମଣ ଏବଂ ସାଧାରଣ ନାଗରିକଙ୍କ ମୃତ୍ୟୁ ସତ୍ତ୍ୱେ ୟୁକ୍ରେନ ସେନାର ଆତ୍ମବିଶ୍ୱାସକୁ ଭାଙ୍ଗି ପାରିନାହିଁ ଋଷ। ଏହି ସମୟରେ, ଖାର୍କିଭରେ ୟୁକ୍ରେନ ସୈନ୍ୟ ପ୍ରତିଶୋଧ ନେଇ ୩୦ ରୁଷିଆ ଉପକରଣକୁ କାବୁ କରି ନେଇଥିବାର ଖବର ଆସିଛି। ଭିନିତ୍ସ୍ୟଠାରେ ରକେଟ୍ ଫିଙ୍ଗିଛି ଋଷିଆ, ଏହା ସହ ଏକ ବିମାନ ବନ୍ଦରକୁ ଧ୍ୱଂସ କରିଛି ଋଷ। ଏହି ଆକ୍ରମଣରେ ଇରପିନରେ ସାଧାରଣ ନାଗରିକଙ୍କର ବଡ଼ କ୍ଷତି ହୋଇଥିବା ଜଣାପଡ଼ଛି।
ୟୁକ୍ରେନର ରାଷ୍ଟ୍ରପତି ଜେଲେନସ୍କି ସିଧାସଳଖ ଋଷିଆର ନାଗରିକମାନଙ୍କୁ ନିବେଦନ କରିଛନ୍ତି ଯେ ୟୁକ୍ରେନ ଉପରେ କ୍ରେମଲିନ ଆକ୍ରମଣକୁ ବିରୋଧ କରନ୍ତୁ ନହେଲେ ନିଜକୁ ଦାରିଦ୍ର ତଥା ଦମନ ପାଇଁ ବିପଦରେ ପକାଇବେ। ଜେଲେନସ୍କି କହିଛନ୍ତି, ‘ ଋଷିଆର ନାଗରିକ … ଆପଣଙ୍କ ପାଇଁ ଏହି ସଂଗ୍ରାମ କେବଳ ୟୁକ୍ରେନରେ ଶାନ୍ତି ପାଇଁ ନୁହେଁ, ଏହା ଆପଣଙ୍କ ଦେଶ ପାଇଁ ମଧ୍ୟ ଅଟେ।’ ଆମେ ଆପଣଙ୍କୁ କହି ରଖୁଛୁ ଯେ, ଗତ ସପ୍ତାହରେ ଏହି ଆକ୍ରମଣ ବିରୋଧରେ ପ୍ରଦର୍ଶନ ପାଇଁ ରୁଷରେ ହଜାର ହଜାର ଲୋକଙ୍କୁ ଅଟକ ରଖାଯାଇଛି। ଫେବୃଆରୀ ୨୪ ରେ ଆରମ୍ଭ ହୋଇଥିବା ଏହି ଆକ୍ରମଣକୁ ଏକ ସ୍ୱତନ୍ତ୍ର ସାମରିକ କାର୍ଯ୍ୟ ବୋଲି ଋଷିଆ ବର୍ଣ୍ଣନା କରୁଛି।
ତୁର୍କୀ ରାଷ୍ଟ୍ରପତି ତାଇପ ଏରଦଗାନ୍ ତାଙ୍କ ଋଷିଆର ପ୍ରତିପକ୍ଷ ଭ୍ଲାଦିମିର ପୁଟିନଙ୍କୁ ୟୁକ୍ରେନରେ ଅସ୍ତ୍ରବିରତି ଘୋଷଣା କରିବା, ମାନବିକ କରିଡର ଖୋଲିବାକୁ ଏବଂ ଶାନ୍ତି ଚୁକ୍ତି କରିବାକୁ ଅନୁରୋଧ କରିଛନ୍ତି। ପ୍ରାୟ ଏକ ଘଣ୍ଟା ଧରି ଫୋନରେ ପୁଟିନଙ୍କ ସହ କଥା ହେବା ପରେ ତାଙ୍କ କାର୍ଯ୍ୟାଳୟ ପକ୍ଷରୁ ଜାରି ଏକ ବିବୃତ୍ତିରେ କୁହାଯାଇଛି ଯେ ଏରଦାନ୍ ପୁଟିନଙ୍କୁ କହିଛନ୍ତି ଯେ ବିବାଦର ଶାନ୍ତିପୂର୍ଣ୍ଣ ସମାଧାନ ପାଇଁ ଆମେ ପ୍ରସ୍ତୁତ ଅଛୁ।
କହିରଖୁଛୁ ଯେ, ୟୁକ୍ରେନରେ ଥିବା ଭାରତୀୟ ଦୂତାବାସ କହିଛି ଯେ ପିସୋଚିନ୍ରୁ ଯାତ୍ରା ଆରମ୍ଭ କରିଥିବା ୪୪ ଜଣ ଭାରତୀୟ ନାଗରିକ ଲିବିଭରୁ ପୋଲାଣ୍ଡ ସୀମାରେ ପହଞ୍ଚିବାକୁ ଯାଉଛନ୍ତି। ୧୫୦ ଜଣ ଭାରତୀୟଙ୍କର ଅନ୍ୟ ଏକ ଦଳ ରୋମାନିଆ ସୀମାକୁ ପଠାଯାଇଛି।