ଖାଆନ୍ତୁ ଏହି ଖାଦ୍ୟ, ଦୂର ହେବ ଥକ୍କାପଣ

ଓଡ଼ିଆ ନ୍ୟୁଜ (ବ୍ୟୁ୍ରୋ) :କଠିନ ପରିଶ୍ରମ କଲେ ଥକା ଲାଗିବା ସ୍ୱଭାବିକ କଥା  । କିନ୍ତୁ ଅନେକ ସମୟରେ କେତେକ ଲୋକ କିଛି କାମ ନକଲେ ବି ଥକି ପଡ଼ନ୍ତି  । ଯଦି ବି କିଛି ଛୋଟ ମୋଟ କାମ କରନ୍ତି ତେବେ ତାଙ୍କ ସାଙ୍ଗେ ସାଙ୍ଗେ ଥକା ଲାଗେ  । ମୁଣ୍ଡବ୍ୟଥା ହେବା ସହିତ ମୁଣ୍ଡ ବୁଲାଇ ଦିଏ  । ଶରୀର ଦୁର୍ବଳ ଲାଗେ  ।  ଯଦି ଏପରି ହେଉଥିବ ତେବେ ଜାଣି ରଖନ୍ତୁ ଆପଣଙ୍କ ଶରୀରରେ ଆଇରନ କମ ରହିଛି  । ଆଇରନ ଏକ ପ୍ରକାର ଖଣିଜ ପଦାର୍ଥ  । ଯାହା ଶରୀରକୁ ମଜବୁତ କରେ  । ଆଇରନ କମି କାରଣରୁ ବିଭିନ୍ନ ରୋଗ ହେବାର ସମ୍ଭାବନା ବଢ଼ିଯାଇଥାଏ  । ହିମୋଗ୍ଲୋବିନ ବଢ଼ାଇବା ପାଇଁ ଆଇରନ ମହତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ  । ଠିକ ଭୋଜନ ନକରିବା କାରଣରୁ ଶରୀରରେ ଆଇରନ କମି ଦେଖାଯାଇଥାଏ  ।

ସାଧାରଣତଃ ମହିଳାମାନଙ୍କ ଠାରେ ଆଇରନ କମି ଅଧିକ ଦେଖାଯାଇଥାଏ  । କାରଣ ସେମାନେ ତାଙ୍କର ଖାଦ୍ୟପେୟର ଧ୍ୟାନ ଠିକ ଭାବେ ରଖନ୍ତି ନାହିଁ  । ମହିଳାଙ୍କ ଋତୁସ୍ରାବ ଓ ଗର୍ଭାବସ୍ଥା ସମୟରେ ଆଇରନ କମି ଅଧିକ ଦେଖାଯାଇଥାଏ  । ଆଇରନ ଶରୀରକୁ ମଜବୁତ କରେ  । ଆଇରନ ଯୋଗୁଁ ଶରୀରରେ ରୋଗ ପ୍ରତିରୋଧକ ଶକ୍ତି ବଢେ଼  । ତେବେ ଆଇରନ କମିରୁ ବଞ୍ଚôବା ପାଇଁ କିଛି ଖାଦ୍ୟ ସେବନ କରିବା ଉଚିତ  । ତେବେ ଜାଣିବା ଆଇରନ କମି ଥିଲେ କେଉଁ ଖାଦ୍ୟ ସେବନ କରିବା  ।

– ବିଟ ସେବନ କଲେ ଶରୀରରେ ହିମୋଗ୍ଲୋବିନ ମାତ୍ରା ବଢ଼ିଥାଏ  । ଏହାର ପତ୍ରରେ ମଧ୍ୟ ଅଧିକ ମାତ୍ରାରେ ଆଇରନ ମିଳେ  । ଆମୋନିଆରେ ବିଟ ସେବନ କଲେ ଲାଭଦାୟକ ହୋଇଥାଏ  ।

– ପାଳଙ୍ଗ ଶାଗରେ ଅଧିକ ମାତ୍ରାରେ ଆଇରନ ରହିଥାଏ  । ଆଇରନ ହିମୋଗ୍ଲୋବିନ ବଢ଼ାଇବାରେ ସହାୟକ ହୋଇଥାଏ  । ପାଳଙ୍ଗରେ କ୍ୟାଲସିୟମ, ସୋଡ଼ିୟମ, କ୍ଲୋରିନ, ଫସଫରସ, ଖଣିଜ ଲବଣ ଓ ପ୍ରୋଟିନ ମିଳେ  । ଯାହା ଶରୀର ପାଇଁ ବହୁତ ଜରୁରୀ  ।

– ପ୍ରାୟ ଲୋକଙ୍କୁ ଡାଳିମ୍ବ ପସନ୍ଦ ଆସିଥାଏ  । ଡାଳିମ୍ବ ରକ୍ତରେ ଆଇରନର କମିକୁ ଦୂର କରିଥାଏ  । ଏହା ସହିତ ଏନିମିଆରୁ ଦୂରରେ ରଖିଥାଏ  । ଡାଳିମ୍ବ ଜୁସ ସେବନ ସବୁଠାରୁ ଲାଭଦାୟକ ହୋଇଥାଏ  ।

– ପିଜୁଳି ଏପରି ଏକ ଫଳ ଯାହା ପାଚନ ପାଇଁ ଲାଭଦାୟକ  । ବିଶେଷ କରି ମହିଳାଙ୍କ ପାଇଁ ପିଜୁଳି ଲାଭଦାୟକ ହୋଇଥାଏ  । ଏହାଦ୍ୱାର ରକ୍ତ କମି ମଧ୍ୟ ପୁରା ହୋଇଥାଏ  ।

– ଡ୍ରାଏଫୁଡରେ ଭରପୁର ମାତ୍ରାରେ ଆଇରନ ମିଳେ  । ଏହା ରେଡ ବ୍ଲଡ ସେଲ ତିଆରି କରିବାରେ ସହାୟକ ହୋଇଥାଏ  । ତେବେ ଆଇରନ କମିରେ ଚିନାବାଦାମ ସେବନ ସବୁଠାରୁ ଭଲ ହୋଇଥାଏ  ।