ଭାରତୀୟ ନୌସେନାରେ ଆସିଲା ବଡ ନିଯୁକ୍ତି ସୁଯୋଗ , ଜାଣନ୍ତୁ ସବିଶେଷ ତଥ୍ୟ
ଓଡ଼ିଆ ନ୍ୟୁଜ (ବ୍ୟୁ୍ରୋ) : ଭାରତୀୟ ନୌସେନାରେ ଆସିଲା ବଡ ନିଯୁକ୍ତି ସୁଯୋଗ ଆସିଛି । ଖୁବ୍ ଶୀଘ୍ର ଏସଏସସି ଅଫିସର ପଦବୀ ପୁରଣ ହେବାକୁ ଯାଉଛି । ଏନେଇ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଆସନ୍ତା ଏପ୍ରିଲ ୨୯ ତାରିଖରୁ ଏହି ପଦବୀ ପାଇଁ ଆବେଦନ ପ୍ରକ୍ରିୟା ଆରମ୍ଭ ହେବ । ସେହିଭଳି ଆବେଦନ କରିବାର ଶେଷ ତାରିଖ ମେ’ ୧୪ ସ୍ଥିର କରାଯାଇଛି । ଏଥିରେ ମୋଟ ପଦବୀ ସଂଖ୍ୟା ୨୪୨ ରହିଛି । ପ୍ରତ୍ୟେକ ଗ୍ରାଜୁଏଟ୍ ତଥା ପୋଷ୍ଟ ଗ୍ରାଜୁଏଟ୍ କିମ୍ବା କୌଣସି ଇଞ୍ଜିନିୟରିଂ ଡିଗ୍ରୀ ଧାରୀ ଏହି ପଦବୀ ପାଇଁ ଆବେଦନ କରିପାରିବେ । ପ୍ରତ୍ୟେକ ପଦବୀ ପାଇଁ ଭିନ୍ନ ଭିନ୍ନ ବୟସ ସୀମା ରହିଛି । ତେଣୁ ଏହାର ଅଫିସିଆଲ ୱେବ୍ସାଇଟ୍କୁ ଯାଇ ସମ୍ପୂଣ୍ଣ ତଥ୍ୟ ପାଇପାରିବେ ।
ଏହି ସବୁ ପଦବୀରେ ନିଯୁକ୍ତି ହେବା ପରେ ଆପଣଙ୍କର ବେସିକ୍ ପେ’ ୫୬ ହଜାର ୬୦୦ ଟଙ୍କାରୁ ଆରମ୍ଭ ହେବ । ଏହାବାଦ୍ ବିଭିନ୍ନ ଆଲାଉନ୍ସ ଏଥିରେ ଯୋଡି ହେବ ବୋଲି ସୂଚନା ମିଳିଛି ।
ଏସଏସସି ଅଫିସର ପଦବୀ ପାଇଁ ତିନି ବର୍ଷର ପ୍ରୋବେସନ୍ ପିରିୟଡ୍ ରହିଥିବା ବେଳେ ଅନ୍ୟ ସବୁ ପଦବୀ ବା ବିଭାଗ ପାଇଁ ମାତ୍ର ଦୁଇ ବର୍ଷ ପ୍ରୋବେସନ୍ ପିରିୟଡ୍ ରହିଛି । ଯେବେଠାରୁ ଆପଣଙ୍କୁ ନିଯୁକ୍ତି ମିଳିବ ସେବେଠାରୁ ପ୍ରୋବେସନ୍ ପିରିୟଡ ଆରମ୍ଭ ହେବ । ଏହି ପିରିୟଡ୍ରେ ଯଦି ନିଯୁକ୍ତ ପ୍ରାର୍ଥୀଙ୍କ ପ୍ରଦର୍ଶନ ଭଲ ନରହେ, ତେବେ ତାଙ୍କୁ ଚାକିରିରୁ ନିବୃତ୍ତ କରାଯାଇପାରେ । ଏହି ଚାକିରୀ କରିବାକୁ ଆଶାୟୀ ଥିବା ପ୍ରାର୍ଥୀ ଭାରତୀୟ ନୌସେନାର ଅଫିସିଆଲ ୱେବ୍ସାଇଟ୍କୁ ଯାଇ ସମ୍ପୂଣ୍ଣ ତଥ୍ୟ ଜାଣିପାରିବେ ।
୨୪୨ଟଠି ପଦବୀ ମଧ୍ୟରେ ଏସ୍ଏସ୍ସି ଅଫିସର (Executive Branch): ୧୫୦ ପଦବୀ,ଏସ୍ଏସ୍ସି ଅଫିସର (Education Branch): ୧୨ ପଦବୀ, ଏସ୍ଏସ୍ସି ଅଫିସର (Technical Branch): ୮୦ ପଦବୀ ରହିଛି ।