ବିଜେଡି ସଦର ଉପ ସଭାପତି ସଚିନ୍ଦ୍ର ଦାଶ ଙ୍କୁ ବିପୁଳ ସ୍ୱାଗତ ସମ୍ବର୍ଦ୍ଧନା

ଓଡ଼ିଆ ନ୍ୟୁଜ, (ବ୍ୟୁରୋ):   ବିଜୁ ଜନତା ଦଳର ନବ ନିଯୁକ୍ତ ମୟୁରଭଞ୍ଜ ସଦରର ଉପ ସଭାପତି ସଚିନ୍ଦ୍ର ଦାଶଙ୍କୁ ବିଭିନ୍ନ ଜାଗାରେ ବିପୁଳ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଉଛି I ବହଳଦା ବ୍ଲକର ପୋଖରୀଆ ଗ୍ରାମର ଶ୍ରୀଯୁକ୍ତ ଦାଶ ବହୁ ବର୍ଷ ଧରି ବିଜୁ ଜନତା ଦଳର ସକ୍ରିୟ ନେତୃତ୍ୱ ଭାବରେ ଅଚଳରେ ବେଶ ଜଣା ଶୁଣା I ସାଧାରଣ ନିର୍ବାଚନ ହେଉ ଅଥବା ପଂଚାୟତ ନିର୍ବାଚନରେ ବହଳଦା ବ୍ଲକ ସହିତ ବିଭିନ୍ନ କାର୍ଯ୍ୟକ୍ରମରେ ଶ୍ରୀ ଦାଶଙ୍କ ଭୂମିକା ଗୁରୁତ୍ୱପୂର୍ଣ ଭୂମିଳା ନିର୍ବାହ କରିଥାନ୍ତି I

ଏହି ପରିପ୍ରେକ୍ଷୀରେ ବିଜେଡି ଏହି ଭଳି ସମୟରେ ସଚିନ୍ଦ୍ର ଦାଶଙ୍କୁ ଗୁରୁ ଦାୟିତ୍ୱ ପ୍ରଦାନ କରି ସଦରକୁ ପ୍ରଭାବଶାଳୀ କରିବା ପାଇଁ ମନସ୍ତ କରିଛି Iତତ ସହିତ ବଳିଷ୍ଠ ସଂଘଠନ ଦକ୍ଷତା ଥିବାରୁ ଏହି ଦାୟିତ୍ୱ ମିଳିଥିବାରୁ ସମ୍ପୂର୍ଣ ଭାବରେ ଦାୟିତ୍ୱର ସହ କାର୍ଯ୍ୟ କରି ଦଳକୁ ଶକ୍ତିଶାଳୀ କରିବାରେ ପୂର୍ଣ୍ଣ ଭୂମିକା ଗ୍ରହଣ କରିବେ ବୋଲି ଶ୍ରୀ ଦାଶ ପ୍ରକାଶ କରିଛନ୍ତି Iଏହି ଅବସରରେ ବହଳଦା ବ୍ଲକ ବିଜେଡି ପକ୍ଷରୁ ବିସିଜେଡି ବ୍ଲକ ସଭାପତି ଆନନ୍ଦ ସିଂ ଙ୍କ ନେତୃତ୍ୱରେ ଯୁବ ଛାତ୍ର ମାନଙ୍କ ଦ୍ୱାରା ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା I

ଏଥିରେ ପୂର୍ବତନ ବ୍ଲକ ଅଧ୍ୟକ୍ଷ ରବି ମାର୍ଣ୍ଡି, ବହଳଦା ଉପା ଧ୍ୟକ୍ଷ ହିରଣ ବସା,ମାନସ ବାରିକ,ଦୁଃଶା ପଲେଇ, ଛୋଟୁ ଦାଶ,ନାରାୟଣ ମହାନ୍ତି,ପ୍ରଦୀପ ମିଶ୍ର, ସୁଶାନ୍ତ ବେହେରା, ସଞ୍ଜୟ ମିଶ୍ର, ବୈଦ ମହାନ୍ତ, ଶ୍ରୀନିବାସ ବାରିକ,ଆଜାଦ ସିଂ,ରଜନୀ ବେହେରା, ରାମ ଗୋପାଳ ପଲେଇ, ରାବଣ ମାହାଲୀ,ଡମ ବେହେରା, ରବି ପଲ୍ଲେଇ,ରାଜ କାପୁର ନାଏକ ପ୍ରମୁଖ ବିଜେଡି କର୍ମୀ ଉପସ୍ଥିତ ରହି ସମ୍ବର୍ଦ୍ଧିତ କରିଥିଲେI ଶେଷରେ ଶ୍ରୀ ଦାଶ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ କୃତଜ୍ଞତା ଜ୍ଞାପନ କରିଛନ୍ତି I