କୂଅରେ ପଡ଼ିଲା କାର୍; ୯ ମୃତ

ଓଡ଼ିଆ ନ୍ୟୁଜ୍: ଭାରସାମ୍ୟ ହରାଇ ରାସ୍ତାକଡ଼ କୂଅରେ ପଡ଼ିଲା କାର୍; ୯ ମୃତ। ମହାରାଷ୍ଟ୍ର ନାସିକର ଡିଣ୍ଡୋରିରେ ମର୍ମନ୍ତୁଦ ଦୁର୍ଘଟଣା।ସମସ୍ତ ୯ ମୃତକ ଗୋଟିଏ ପରିବାରର ହୋଇଥିବା ସୂଚନା। ଘରୋଇ କୋଚିଂ ସେଣ୍ଟର ଦ୍ବାରା ଆୟୋଜିତ କାର୍ଯ୍ୟକ୍ରମରୁ ଫେରୁଥିଲେ।ସୂଚନାନୁଯାୟୀ, ନାସିକର ଡିଣ୍ଡୋରି ତାଲୁକାରେ ଏକ କାର କୂଅରେ ପଡ଼ି ଯାଇଥିଲା । ଦରଗୁଡେ ପରିବାର ଏକ କାର୍ଯ୍ୟକ୍ରମରେ ଯୋଗ ଦେଇ ଘରକୁ ଫେରୁଥିଲେ। କାର୍ଯ୍ୟକ୍ରମରୁ ଫେରିବା ସମୟରେ, ଡ୍ରାଇଭର ହଠାତ୍ ଗାଡ଼ି ଉପରୁ ନିୟନ୍ତ୍ରଣ ହରାଇଲେ ଏବଂ କାରଟି ସିଧା ଏକ କୂଅରେ ପଡ଼ିଗଲା । ଫଳରେ ୯ ଜଣଙ୍କର ମୃତ୍ୟୁ ହୋଇଥିଲା । ଏହି ଦୁର୍ଘଟଣା ପରେ ଶୋକର ବାତାବରଣ ଖେଳିଯାଇଛି । ଦୁର୍ଘଟଣାର ଶିକାର ହୋଇଥିବା ବ୍ୟକ୍ତିମାନଙ୍କୁ ଚିହ୍ନଟ କରାଯାଇଛି ।

ମୃତକମାନେ ହେଲେ ରେଶମା ସୁନୀଲ ଦରଗୁଡେ (୨୭), ଆଶା ଅନିଲ ଦରଗୁଡେ (୩୨), ଖୁସି/ସୃଷ୍ଟି ଅନିଲ ଦରଗୁଡେ (୧୪), ଶ୍ରେୟସ ଅନିଲ ଦରଗୁଡେ (୧୧), ଗୁଣୱନ୍ତି ସୁନୀଲ ଦରଗୁଡେ, ଶ୍ରାବଣୀ ଅନିଲ ଦରଗୁଡେ (୧୧), ସମୃଦ୍ଧି ରାଜେନ୍ଦ୍ର ଦରଗୁଡେ (୭), ମାଧୁରୀ ଅନିଲ ଦରଗୁଡେ (୧୩), ଏବଂ ସୁନୀଲ ଦତ୍ତୁ ଦରଗୁଡେ (୩୨) । ସମସ୍ତ ମୃତକ ନାସିକ ଜିଲ୍ଲା, ତାଲୁକା ଦିଣ୍ଡୋରୀର ଇନ୍ଦୋରର ବାସିନ୍ଦା ଥିଲେ । ସେହି ମୃତକଙ୍କ ମଧ୍ୟରେ ଛଅ ଜଣ ପିଲା ପ୍ରାଣ ହରାଇଛନ୍ତି ।