ଖରାରେ ମଣିଷ ଶରୀରର ତାପମାତ୍ରା ବଢିଲେ ସୃଷ୍ଟି ହେଉଛି ଭୟଙ୍କର ରୋଗ ହାଇପରଥର୍ମିଆ, ସ୍ବାସ୍ଥ୍ୟ ବିଶେଷଜ୍ଞ କଲେ ସଚେତନ

ଓଡ଼ିଆ ନ୍ୟୁଜ୍(ବ୍ୟୁରୋ):  ହାଇପରଥର୍ମିଆ ହେଉଛି ଶରୀରର ଅସ୍ୱାଭାବିକ ଉଚ୍ଚ ତାପମାତ୍ରାର ସ୍ତିତି | ଯେତେବେଳେ ମଣିଷ ଶରୀର ନିଷ୍କାସନ ଅପେକ୍ଷା ଅଧିକ ଉତ୍ତାପ ଶୋଷିଥାଏ କିମ୍ବା ସୃଷ୍ଟି କରେ, ହାଇପରଥର୍ମିଆ ସ୍ଥିତି ସୃଷ୍ଟି ହୁଏ | ମଣିଷର ସାଧାରଣ ଶରୀରର ତାପମାତ୍ରା ପ୍ରାୟ ୯୮.୬ ଡିଗ୍ରୀ ଫାରେନାଇଟ | ୯୯ କିମ୍ବା ୧୦୦ ଡିଗ୍ରୀ ଫାରେନ୍ହାଇଟ୍ ଉପରେ ଶରୀରର ଯେକୌଣସି ତାପମାତ୍ରା ଅତ୍ୟଧିକ ଅଟେ | ଉଭୟ ଉଚ୍ଚ ତାପମାତ୍ରା ଏବଂ ଆଦ୍ର ପରିବେଶରେ ଅତ୍ୟଧିକ ପରିଶ୍ରମ ର ଫଳାଫଳ ହେଉଛି ହାଇପରଥର୍ମିଆ |

ଉଚ୍ଚ ତାପମାତ୍ରାରେ ଅଧିକ ପରିଶ୍ରମ କଲେ ଶରୀରେ ଅଧିକ ରକ୍ତ ସଂଚାଳନ ହୁଏ ଫଳ ସୁରୂପ ଶରୀରରୁ ସ୍ବେଦ ବାହାରି ଥାଏ, କିନ୍ତୁ ଏହି ସ୍ବେଦ ସାଧାରଣତଃ ଉଚ୍ଚ ଆଦ୍ର ପରିବେଶରେ ବାଷ୍ପୀଭୂତ ହୋଇନପାରି ଶରୀରରେ ତାପମାତ୍ରା ବୃଦ୍ଧି ସହ ଜଳ ଅଭାବ ସୃଷ୍ଟି ସହ ତାପମାତ୍ରା ବୃଦ୍ଧି କରାଏ ଏବଂ ହାଇପରଥର୍ମିଆ ପରି ଉଚ୍ଚ ତାପମାତ୍ରା ଜନିତ ରୋଗକୁ ନିମନ୍ତ୍ରଣ ଦେଇଥାଏ |

ହାଇପରଥର୍ମିଆର ସବୁଠାରୁ ଭୟଙ୍କର ରୂପ ହେଉଛି ହିଟ-ଷ୍ଟ୍ରୋକ | ଏହା ଏକ ଜୀବନ ପ୍ରତି ବିପଦ ଯାହା ଆପଣଙ୍କ ଶରୀରର ତାପମାତ୍ରାକୁ ୧୦୪ ଡିଗ୍ରୀ ଫାରେନ୍ହାଇଟ୍ ଉପରେ ପହଂଚାଇବା ସହ ଏହା ଆପଣଙ୍କ ମସ୍ତିଷ୍କ ଏବଂ ଅନ୍ୟାନ୍ୟ ଅଙ୍ଗରେ ସମ୍ବେଦନଶୀଳତା କୁ ନଷ୍ଟ କରିଦିଏ | ଯଦି ଆପଣଙ୍କ ଶରୀରର ତାପମାତ୍ରା ୧୦୬ ଡିଗ୍ରୀ ଫାରେନ୍ହାଇଟ୍ ଉପରେ ପହଞ୍ଚେ ତେବେ ହିଟ୍ ଷ୍ଟ୍ରୋକ ବିଶେଷ ବିପଜ୍ଜନକ ଅଟେ | ଫଳ ସୁରୂପ ଅନେକ ସମୟରେ ମଣିଷ ମୃତ୍ୟୁ ମୁଖରେ ପଡେ |

ଯେକେହି ଏକ ଉତ୍ତାପ ରୋଗରେ ଆକ୍ରାନ୍ତ ହୋଇପାରନ୍ତି, କିନ୍ତୁ ଆପଣ ଅଧିକ ସମ୍ବେଦନଶୀଳ ଯଦି :-

୧-ଆପଣଙ୍କ ଶରୀରରେ ଜଳିଆଂଶ କମ ଥାଏ
୨- ୪ ବର୍ଷରୁ କମ ବୟସର ଶିଶୁ ଏବଂ ୬୫ବୟସ ରୁ ଅଧିକ ବୟସ୍କ ବ୍ୟକ୍ତି
୩- ଦିନ ସମୟରେ ଅଧିକ ପରିଶ୍ରମ କରୁଥିବା ବ୍ୟକ୍ତି
୪-ଅଧିକ ମଦ୍ୟ ପାନ କରୁଥିବା ଵ୍ୟକ୍ତିବିଶେଷ
୫- ଯକୃତ, ହୃଦ ରୋଗ, ବୃକକ ରୋଗରେ ପୀଡିତ ତଥା ଅତ୍ୟଧିକ ମୋଟା କିମ୍ବା ବହୁତ ପତଳା ଲୋକ, ଉଚ୍ଚ ରକ୍ତଚାପ ରେ ପୀଡିତ ବ୍ୟକ୍ତି