ଓଡିଶା କର୍ମଜୀବି ସାମ୍ୱାଦିକ ସଂଘ ବରଗଡ ଶାଖା ପକ୍ଷରୁ ନୂଆଁଖାଇ ଭେଟଘାଟ

ଓଡ଼ିଆ ନ୍ୟୁଜ,(ବ୍ୟୁରୋ):  ବରଗଡ ବିଜୁ ପଟ୍ଟନାୟକ ଟାଉନ ହଲ ଠାରେ ଓଡିଶା କର୍ମଜୀବି ସାମ୍ବାଦିକ ସଂଘର ନୂଆଁଖାଇ ଭେଟଘାଟ୍ ୧୧ତମ ସ୍ବ-ନକ୍ଷତ୍ର ଉତ୍ସବ ମହା ସମାରୋହ ରେ ପାଳିତ ହୋଇଥିଲା | ରାଜ୍ୟ ଉପସଭାପତି ଶ୍ରୀଯୁକ୍ତ ପରମାନନ୍ଦ ମିଶ୍ର ଙ୍କ ନେତୃତ୍ୱ ରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l

ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ବରଗଡ ସାଂସଦ ଶ୍ରୀଯୁକ୍ତ ପ୍ରଦୀପ ପୁରୋହିତ, ସମ୍ମାନୀତି ଅତିଥି ପଦ୍ମଶ୍ରୀ ହଳଧର ନାଗ, ଓଡିଶା କର୍ମଜୀବି ସଂଘର ସଭାପତି ସୁଜ୍ଞାନ ଚୌଧରୀ, ବରଗଡ ବିଧାୟକ ଅଶ୍ୱନୀ ଷଡ଼ଙ୍ଗୀ,ସମାଜସେବୀ ପ୍ରିତମ ସିଂ, ପ୍ରମୁଖ ଯୋଗଦାନ କରି ମଞ୍ଚାସୀନ ଥିଲେ l ସମାଜ ପାଇଁ ସାମ୍ବାଦିକ ର ଭୂମିକା ଉପରେ ଅତିଥି ମାନେ ଆଲୋକପାତ କରିଥିଲେ l ସମାଜ ରେ ବିଭିନ୍ନ କ୍ଷେତ୍ରରେ ସୁନାମ ଅର୍ଜନ କରିଥିବା ବ୍ୟକ୍ତି ଵିଶେଷ ଙ୍କୁ ସମ୍ବର୍ଦ୍ଧିତ କରାଯାଇଥିଲା l

ବିଭିନ୍ନ ଅଞ୍ଚଳରୁ ଆସିଥିବା କଳା ଓ କଳାକାର ଙ୍କ ଦ୍ଵାରା ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା ଯଥା- ମୁନେଇକେଲ ପାଇକମାଲ ରୁ ପ୍ରଭାତୀ ମହିଳା ସଂକୀର୍ତ୍ତନ ମଣ୍ଡଳୀ,ସାନ ଏକାଡେମୀ (ସମ୍ବଲପୁରୀ ନୃତ୍ୟ ଦଳ) ବରଗଡ l ସମାଜ ରେ ଉଲ୍ଲେଖନୀୟ କାର୍ଯ୍ୟ କରିଥିବା ସାମ୍ବାଦିକ,ସମାଜସେବୀ,କବି,କଳା କାର,ଅନୁଷ୍ଠାନ ମାନଙ୍କୁ ମାନପତ୍ର ଦେଇ ଉତ୍ସାହିତ କରାଯାଇଥିଲା l ମୁଗ୍ଧା ଦାଶ ସଂଯୋଜନା କାର୍ଯ୍ୟ ତୁଳାଇଥିବା ବେଲେ ଶେଷର ସଙ୍ଘର ରାଜ୍ୟ ଉପସଭାପତି ପରମାନନ୍ଦ ମିଶ୍ର ସମସ୍ତ ଙ୍କୁ ଧନ୍ୟବାଦ ଅର୍ପଣ କରିଥିଲେ l