୧୨ ବର୍ଷ ସିରିଆ ପରେ ଫେରିଲା ଆରବ ଲିଗକୁ

ଦୀର୍ଘ ୧୨ ବର୍ଷ ପରେ ସିରିଆ ଫେରିଛି  ଆରବ ଲିଗକୁ । ଏହା ସପକ୍ଷରେ କାଇରୋରେ ଅନୁଷ୍ଠିତ ବୈଠକରେ ଆରବ ସରକାରଙ୍କ ପ୍ରତିନିଧିମାନେ ଭୋଟିଂ କରିଛନ୍ତି । ମାର୍ଚ୍ଚ ୨୦୧୧ରେ ଲିଗକୁ ବିରୋଧ କରିବାରୁ ସିରିଆର ସଦସ୍ୟତାକୁ ନିଲମ୍ବିତ କରାଯାଇଥିଲା । ସେବେଠାରୁ ସିରିଆରେ ଗୃହଯୁଦ୍ଧ ଓ ଆତଙ୍କବାଦୀ ଆକ୍ରମଣ ଯୋଗୁ ଦେଢ଼ ଲକ୍ଷ ଲୋକଙ୍କ ମୃତ୍ୟୁ ଘଟିଥିବା ବେଳେ ୨୩ ନିୟୁତ ଲୋକ ବିସ୍ଥାପିତ ହୋଇଛନ୍ତି । ଇଜିପ୍ଟ, ସାଉଦିଆରବ, ଲେବାନନ, ଜୋର୍ଡାନ ଓ ଇରାକର ଉଦ୍ୟମ ଯୋଗୁ ସିରିଆ ପୁନର୍ବାର ଏଥିରେ ସାମିଲ ହୋଇପାରିଛି । ଓଭରାଲ ୨୨ ଦେଶରୁ ୧୩ ସମର୍ଥନ କରିଥିଲେ । ଅନେକ ଦେଶର ସରକାର ଏହି ଭୋଟ ଗ୍ରହଣରେ ଭାଗ ନେଇ ନ ଥିଲେ ।

ସିରିଆ ରାଷ୍ଟ୍ରପତି ବଶର ଅଲ ଅସଦଙ୍କ ବିରୋଧୀ ଦଳକୁ ସମର୍ଥନ କରୁଥିବା କତାର ମଧ୍ୟ ଏଥିରେ ସାମିଲ ହୋଇ ନ ଥିଲା । ଆରବ ଲିଗ ଏବେ ସାଉଦି ଆରବ, ଲେବାନନ, ଜୋର୍ଡାନ ଓ ଇରାକକୁ ନେଇ ଗଠନ କରାଯାଇଛି ଏକ ଯୋଗାଯୋଗ କମିଟି ।