ଦିଲ୍ଲୀରେ ପହଞ୍ଚିଲା ଅକାସା ଏୟାରର ପ୍ରଥମ ବିମାନ; ଖୁବ୍ ଶୀଘ୍ର AOC ପ୍ରଦାନ କରିପାରେ ଡିଜିସିଏ

ଷ୍ଟକ୍ ମାର୍କେଟର ବିଗବୁଲ୍ ରାକେଶ ଝୁଞ୍ଜୁୱାଲାଙ୍କ ଦ୍ବାର ଅକାସା ଏୟାରର ପ୍ରଥମ ବିମାନ ବୋଇଙ୍ଗ 737 MAX (ବୋଇଙ୍ଗ 737 ମ୍ୟାକ୍ସ) ମଙ୍ଗଳବାର ଦିନ ଦିଲ୍ଲୀ ବିମାନ ବନ୍ଦରରେ ଅବତରଣ କରିଛି। ବ୍ୟବସାୟିକ କାର୍ଯ୍ୟ ଆରମ୍ଭ କରିବା ପୂର୍ବରୁ ଅକାସା ଏୟାର ବର୍ତ୍ତମାନ ଦେଶର ଏୟାରଲାଇନ୍ସ ସେକ୍ଟରର ରେଗୁଲେଟର ଡିଜିସିଏରୁ ଏୟାର ଅପରେଟର ଅନୁମତି ଆବଶ୍ୟକ କରିବ। ଆକାସା ଏୟାର ଅନୁଯାୟୀ, ବିମାନଟି ଆମେରିକାର ସିଆଟେଲରେ ଜୁନ ୧୫ ରେ ଏୟାରଲାଇନ୍ସକୁ ହସ୍ତାନ୍ତର କରାଯାଇଥିଲା। ଗତ ନଭେମ୍ବରରେ ଅକାସା ଏୟାର ବୋଇଙ୍ଗକୁ ଅର୍ଡର୍ ଦେଇଥିବା ୭୨ ଟି ବୋଇଙ୍ଗ 737 MAX ବିମାନ ମଧ୍ୟରୁ ଏହା ହେଉଛି ପ୍ରଥମ ବିତରଣ।

ଅକାସା ଏୟାର ଅନୁଯାୟୀ, ବିମାନ କମ୍ପାନୀ ଏହାର ପ୍ରଥମ ବୋଇଙ୍ଗ 737 MAX ବିମାନର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ତାଙ୍କ ଦଳର ଉପସ୍ଥିତିରେ ସ୍ୱାଗତ କରିଛି। ବିଗତ ବର୍ଷଗୁଡ଼ିକରେ ଭାରତୀୟ ବିମାନ ଚଳାଚଳ ଦ୍ୱାରା ଅଗ୍ରଗତିର ଏକ ପ୍ରମୁଖ ଉଦାହରଣ ବୋଲି ଅକାସା ଏୟାର କହିଛନ୍ତି, ଅକାସା ଏୟାର, ଏମଡି ଏବଂ ସିଇଓ ବିନୟ ଦୁବେ କହିଛନ୍ତି, ଏହା କେବଳ ଆମର ଏବଂ ଭାରତୀୟ ବିମାନ ଚଳାଚଳ ପାଇଁ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ନୁହେଁ। ଏହା ଏକ ନୂତନ ଭାରତର କାହାଣୀ।

ବୋଇଙ୍ଗ ଇଣ୍ଡିଆ ମଧ୍ୟ ଏହାର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ କରି ଲେଖିଛି, ‘ୱେଲକମ ହୋମ’। ବୋଇଙ୍ଗ ଇଣ୍ଡିଆର ଅଧ୍ୟକ୍ଷ ସଲିଲ ଗୁପ୍ତ କହିଛନ୍ତି ଯେ ବୋଇଙ୍ଗ ଅକାସା ଏୟାର ସହ ସହଭାଗୀ ହୋଇ ଗର୍ବିତ, କାରଣ ଏହା ବିମାନ ଯାତ୍ରାକୁ ସମସ୍ତଙ୍କ ପାଇଁ ସୁଲଭ କରିବା ଦିଗରେ ଯାତ୍ରା ଆରମ୍ଭ କରିବାକୁ ଯାଉଛି।

ଏମିତି ମିଳିବ ଏୟାର ଅପରେଟର ଲାଇସେନ୍ସ 

ଉଡ଼ାଣ ପାଇଁ ଅକାସା ଏୟାରକୁ ବିମାନ ଚଳାଚଳ ନିୟନ୍ତ୍ରକ ଡିଜିସିଏ ଠାରୁ ଏୟାର ଅପରେଟର ସାର୍ଟିଫିକେଟ୍ ପାଇବାକୁ ପଡିବ | ଯାହା ପରେ ବିମାନ ସେବା ଏହାର ବ୍ୟବସାୟିକ ଉଡ଼ାଣ କାର୍ଯ୍ୟ ଆରମ୍ଭ କରିବାକୁ ସକ୍ଷମ ହେବ | ଏୟାର ଅପରେଟର ସାର୍ଟିଫିକେଟ୍ ପାଇବାକୁ ବିମାନ ଚଳାଚଳ ନିୟନ୍ତ୍ରକ ଡିଜିସିଏକୁ ସନ୍ତୁଷ୍ଟ କରିବା ପାଇଁ ଅକାସା ଏୟାରର ପ୍ରୋଭିଂ ଫ୍ଲାଇଟ୍ କୁ ଦିଲ୍ଲୀରୁ ଏକାଧିକ ଥର ବିମାନ ଉଡ଼ାଣ କରିବାକୁ ପଡିବ |ପ୍ରୋଭିଂ ଫ୍ଲାଇଟରେ ଡିଜିସିଏର ଅଧିକାରୀମାନେ ସହ ଏୟାରଲାଇନ୍ସର ଅଧିକାରୀଙ୍କ ସହ ଯାତ୍ରୀ ଭାବରେ ଯାତ୍ରା କରିବେ | ଏହା ସହିତ କ୍ରାବିନ୍ କ୍ରୁ ସଦସ୍ୟମାନେ ମଧ୍ୟ ଉପସ୍ଥିତ ରହିବେ | 

ତେବେ କହିରଖୁଚୁ ଯେ, ବିମାନ ଚଳାଚଳ ନିୟନ୍ତ୍ରକ DGCA କୁ ସନ୍ତୁଷ୍ଟ କରିବା ପାଇଁ ପରୀକ୍ଷଣ ଉଡ଼ାଣ କରାଯାଇଥାଏ ଯାହା ଦ୍ବାରା ଏହା ଦର୍ଶାଯାଇପାରିବ ଯେ ବିମାନ ଏବଂ ଏହାର ଉପାଦାନଗୁଡ଼ିକ ସଠିକ୍ ଭାବରେ କାର୍ଯ୍ୟ କରୁଛି। ପରୀକ୍ଷଣ ଉଡ଼ାଣ ପରେ ଏୟାରଲାଇନ୍ସକୁ ପ୍ରୁଭିଂ ଫ୍ଲାଇଟ୍ କରିବାକୁ ପଡିବ ଯାହା ପରେ ଡିଜିସିଏ ଏୟାର ଅପରେଟର ସାର୍ଟିଫିକେଟ୍ (AOC) ପ୍ରଦାନ କରିବ |