ବିଂଝାରପୁରରେ ଆମା ଭଗବାନଙ୍କର ସତସଙ୍ଗ
ଯାଜପୁର( ଓଡ଼ିଆ ନ୍ୟୁଜ୍): ରବିବାର ଯାଜପୁର ଜିଲ୍ଲା ବିଂଝାରପୁର ବ୍ଲକ ଶାସନ୍ଧା ଗ୍ରାମରେ ଆମା ଭଗବାନଙ୍କର ଶତସଙ୍ଗ ଓ ଭଜନ କାର୍ୟ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଉତ୍ସବରେ ଦୀକ୍ଷିତ ଅନୁଗାମୀ ଓ ଅନୁଗାମୀନିମାନେ ଆମା ଭଗବାନଙ୍କୁ ପ୍ରାର୍ଥନା କରିଥିଲେ। ମାର୍ଗଦର୍ଶିକା ବନ୍ଦନା ଦାସଙ୍କ ଦିବ୍ୟ ପ୍ରବଚନକୁ ଉପସ୍ଥିତ ଗ୍ରାମବାସୀମାନେ ଉଚ୍ଚ ପ୍ରଶଂସା କରିଥିଲେ। ଶ୍ରୀମତୀ କନକ ଲତା ସାହୁ ଆମା ଭଗବାନଙ୍କ ଅଲୌକିକତା ଉପରେ ନିଜର ଅନୁଭୂତି ରଖିବା ସହିତ ପ୍ରାକ୍ତନ ବ୍ୟାଙ୍କ ଅଧିକାରୀ ଶାନ୍ତନୁ ଧଳ ସଂଗଠନ ସହିତ ନିଜ ନିବିଡ଼ ମାନସିକତା ଓ ମୁକ୍ତିର ମାର୍ଗ ଉପରେ ଆଲୋକପାତ କରିଥିଲେ ।
ସୁଦର ଓ ଭବ୍ୟ ପରିବେଶ ମଙ୍ଗଳ ଚଣ୍ଡିଙ୍କର ପୀଠରେ ଗ୍ରାମବାସୀ ମାନଙ୍କ ଆଗ୍ରହ ଓ ସହଭାଗିତାରେ କାର୍ୟ୍ୟକ୍ରମକୁ ସରସ ଓ ଭାବମୟ କରିଥିଲା । କାର୍ୟ୍ୟକ୍ରମ ଶେଷରେ ପ୍ରସାଦ ସେବନ କରି ଭକ୍ତମାନେ ବିଦାୟ ନେଇଥିଲେ ।