ପୁଣି ଉପର ମୁହାଁ କରୋନା ଗ୍ରାଫ; ୨୪ ଘଣ୍ଟାରେ ୩୬୮୮ ଟି ନୂଆ ଆକ୍ରାନ୍ତ, ୫୦ ମୃତ
ଦେଶରେ କରୋନା ସଂକ୍ରମଣ ସଂଖ୍ୟା ପୁଣି ଥରେ ଦ୍ରୁତ ଗତି ବଢୁଥିବା ଜଣାପଡିଛି | ଦ୍ରୁତ ଗତିରେ ବଢୁଥିବା ମାମଲା ପ୍ରଶାସନ ଏବଂ ଲୋକଙ୍କ ଚିନ୍ତା ବଢ଼ାଇଛି। ଗତ ୨୪ ଘଣ୍ଟା ମଧ୍ୟରେ ଦେଶରେ ୩,୬୮୮ ଟି ନୂଆ ମାମଲା ପଞ୍ଜିକୃତ ହୋଇଛି, ଯାହା ଗତକାଲିଠାରୁ ଅଧିକ। ଏହା ସହ ଏହି ସମୟ ମଧ୍ୟରେ ମହାମାରୀ ହେତୁ ୫୦ ଜଣଙ୍କର ମୃତ୍ୟୁ ଘଟିଛି। ଏହି ନୂତନ ମାମଲାଗୁଡ଼ିକ ପରେ, ବର୍ତ୍ତମାନ ସକ୍ରିୟ ମାମଲା ସଂଖ୍ୟା ୧୮, ୬୮୪ କୁ ବୃଦ୍ଧି ପାଇଛି।
ଏଥି ସହିତ, ଯଦି ଆମେ ଦେଶର ମୋଟ ପରିସଂଖ୍ୟାନ ବିଷୟରେ କହିବା, ତେବେ ଏହି ସଂଖ୍ୟା ୪ କୋଟି ୩୦ ଲକ୍ଷ ୭୫ ହଜାର ୮୬୨ ରେ ପହଞ୍ଚିଛି। ଏହା ସହିତ ସାରା ଦେଶରେ ମୃତ୍ୟୁ ସଂଖ୍ୟା ୫ ଲକ୍ଷ ୨୩ ହଜାର ୮୦୩ କୁ ବୃଦ୍ଧି ପାଇଛି। ଗତ ୨୪ ଘଣ୍ଟା ମଧ୍ୟରେ ଦେଶର ରାଜଧାନୀ ଦିଲ୍ଲୀରେ ୧୬୦୭ ଟି ନୂଆ କରୋନା ମାମଲା ପଞ୍ଜିକୃତ ହୋଇଛି।
ଗତ ୨୪ ଘଣ୍ଟାରେ କୋଭିଡ୍-୧୯ ସଂକ୍ରମଣରୁ ସୁସ୍ଥ ହୋଇଥିବା ୨୭୫୫ଜଣ ଆକ୍ରାନ୍ତଙ୍କୁ ମିଶାଇ ସମ୍ପ୍ରତି ଦେଶରେ ସମୁଦାୟ ସୁସ୍ଥତା ସଂଖ୍ୟା ହେଉଛି ୪,୨୫,୩୩,୩୭୭। ଏହାଛଡ଼ା, ଏବେ ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ହେଉଛି ୧୮୬୮୪। ସ୍ୱାସ୍ଥ୍ୟ ମନ୍ତ୍ରାଳୟ ତଥ୍ୟ ଅନୁସାରେ, ଗତକାଲି ସନ୍ଧ୍ୟା ୬ଟା ସୁଦ୍ଧା ସମୁଦାୟ ୧,୮୮,୮୯,୯୦,୯୩୫ ହିତାଧିକାରୀଙ୍କୁ ଟିକା ଦିଆଯାଇଛି।