ଭୂକମ୍ପରେ ଥରିଲା ଇଣ୍ଡୋନେସିଆ
ଓଡ଼ିଆ ନ୍ୟୁଜ୍: ଭୂକମ୍ପରେ ଥରିଲା ଇଣ୍ଡୋନେସିଆ। ଉତ୍ତର ମୋଲୁକା ସାଗରରେଭୂକମ୍ପ ସୃଷ୍ଟି ହୋଇଥିଲା। ରିକ୍ଟର ସ୍କେଲରେ ତୀବ୍ରତା ୭.୮ ରେକର୍ଡ କରାଯାଇଛି । ପୂର୍ବ ଇଣ୍ଡୋନେସିଆର ଏକ ସହର ଟେର୍ନାଟେର ଉପକୂଳରେ ଉତ୍ତର ମୋଲୁକା ସାଗରରେ ଭୂମିକମ୍ପ ହୋଇଥିବାରୁ ଆଖପାଖ ଦ୍ୱୀପପୁଞ୍ଜ ପାଇଁ ସୁନାମି ଚେତାବନୀ ଜାରି କରାଯାଇଛି।
ଯୁକ୍ତରାଷ୍ଟ୍ର ଭୂତତ୍ତ୍ୱ ସର୍ଭେ ଅନୁଯାୟୀ, ପ୍ରାରମ୍ଭରେ ଭୂକମ୍ପର ତୀବ୍ରତା ୭.୮ ଥିଲା। ଏହାର କେନ୍ଦ୍ରସ୍ଥଳ ୧୦ କିଲୋମିଟର ଗଭୀରତାରେ ଥିଲା। ଭୂକମ୍ପର କେନ୍ଦ୍ରସ୍ଥଳ ଇଣ୍ଡୋନେସିଆର ଉତ୍ତର ମାଲୁକୁ ପ୍ରଦେଶରେ ଅବସ୍ଥିତ ଟେର୍ନାଟେରୁ ପ୍ରାୟ ୧୨୦ କିଲୋମିଟର ଦୂରରେ ଥିଲା। ଆମେରିକା ସୁନାମି ସତର୍କତା ପ୍ରଣାଳୀ ଅନୁଯାୟୀ, ଭୂକମ୍ପ କେନ୍ଦ୍ରସ୍ଥଳରୁ ୧୦୦୦ କିଲୋମିଟର ପରିଧି ମଧ୍ୟରେ ଇଣ୍ଡୋନେସିଆ, ଫିଲିପାଇନ୍ସ ଏବଂ ମାଲେସିଆର ଉପକୂଳରେ ବିପଦପୂର୍ଣ୍ଣ ସୁନାମି ଜୁଆର ଆସିବାର ଆଶଙ୍କା ରହିଛି।
ହୋନୋଲୁଲୁର ପ୍ରଶାନ୍ତ ମହାସାଗରୀୟ ସୁନାମି ସତର୍କତା କେନ୍ଦ୍ର କହିଛି ଯେ ମାଲେସିଆ, ଫିଲିପାଇନ୍ସ, ତାଇୱାନ ଏବଂ ପାପୁଆ ନ୍ୟୁ ଗିନିରେ ମଧ୍ୟ ଛୋଟ ଲହରୀ ଆସିପାରେ, କିନ୍ତୁ ହାୱାଇ, ଗୁଆମ ଏବଂ ଅନ୍ୟାନ୍ୟ ଦୂରଦୂରାନ୍ତ ଦ୍ୱୀପପୁଞ୍ଜ ବିପଦରେ ନାହିଁ। ଇଣ୍ଡୋନେସିଆରେ କ୍ଷୟକ୍ଷତି, ଆହତ କିମ୍ବା ମୃତ୍ୟୁର କୌଣସି ତୁରନ୍ତ ରିପୋର୍ଟ ମିଳିନାହିଁ।