ଜଗତପୁର ଅଞ୍ଚଳରେ ବୁଲୁଛି ନୃଶଂସ ଦନ୍ତା ହାତୀ, ୫ ଜଣଙ୍କୁ କଲାଣି ଆକ୍ରମଣ
ଓଡ଼ିଆ ନ୍ୟୁଜ୍(ବ୍ୟୁରୋ): କଟକ ଜଗତପୁର ଅଞ୍ଚଳରେ ହାତୀ ଆତଙ୍କ । ବୁଲୁଛି ନୃଶଂସ ଦନ୍ତା ହାତୀ। ୫ ଜଣଙ୍କୁ ଆକ୍ରମଣ କରିଛି । ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଛନ୍ତି । ମୃତକଙ୍କ ଭିତରେ ଜଣେ ମହିଳା ଓ ଜଣେ ପୁରୁଷ ଅଛନ୍ତି । ମହିଳା ଫୁଲ ତୋଳିବା ବେଳେ ପଛପଟରୁ ଆକ୍ରମଣ କରିଥିଲା ହାତୀ । ସେହିପରି ସେଲଫି ନେବା ବେଳେ ଜଣେ ଯୁବକଙ୍କୁ ଆକ୍ରମଣ କରିଥିଲା ହାତୀ । ସମସ୍ତ ଆହତଙ୍କୁ କଟକ ଏସସିବିରେ ଭର୍ତ୍ତି କରାଯାଇଛି । ଜଗତପୁର ଶିଳ୍ପାଞ୍ଚଳ ଖଇରା ପୋଲ ନିକଟରେ ବଡ଼ ହାତୀଟି ବୁଲୁଛି । ତାସହ ରହିଛି ଆଉ ଗୋଟିଏ ଛୁଆ ହାତୀ । ଗତକାଲି ରାତିରୁ ସ୍ଥାନୀୟ ଅଞ୍ଚଳରେ ପଶିଥିଲେ ୩ଟି ହାତୀ ।
ହାତୀଙ୍କ ଗତିବିଧି ଉପରେ ନଜର ରଖିଛି ପ୍ରଶାସନ । ଆତଙ୍କିତ ଅବସ୍ଥାରେ ଅଛନ୍ତି ସ୍ଥାନୀୟ ଲୋକ । ପ୍ରଶାସନ ପକ୍ଷରୁ ଡାକବାଜି ଯନ୍ତ୍ର ଜରିଆରେ ଲୋକଙ୍କୁ ସତର୍କ କରାଯାଉଛି । ଘରୁ ନବାହାରିବା ପାଇଁ ସତର୍କ କରାଉଛି ପ୍ରଶାସନ । ହାତୀଠାରୁ ସୁରକ୍ଷିତ ଦୂରତା ବଜାୟ ରଖିବାକୁ କୁହାଯାଉଛି । ହାତୀକୁ ଘଉଡ଼ାଇବା ପାଇଁ କଟକ ସିଟି ଫରେଷ୍ଟ ଡିଭିଜନ୍, ଚନ୍ଦକା, ନନ୍ଦନକାନନ ଡିଭିଜନର ଶହେ ଜଣିଆ ଟିମ୍ ନିୟୋଜିତ ଅଛନ୍ତି । ହାତୀକୁ ଟ୍ରାଙ୍କୁଲାଇଜ୍ କରିବା କୌଣସି ଯୋଜନା ନାହିଁ। ସନ୍ଧ୍ୟା ହେଲେ ହାତୀ ଆପେଆପେ ଜଙ୍ଗଲକୁ ଚାଲିଯିବ ବୋଲି କଟକ ସିଟି ଡିଏଫଓ ଅଜିତ୍ ଶତପଥୀ କହିଛନ୍ତି । ..