ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗିରଫ

ଓଡ଼ିଆ ନ୍ୟୁଜ୍(ବ୍ୟୁରୋ): ପର୍ଣ୍ଣ ଷ୍ଟାରଙ୍କୁ ଟଙ୍କା ଦେବା ମାମଲାରେ ଗିରଫ ହୋଇଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।  ଦୋଷୀ ସାବସ୍ତ୍ୟ ହେବାପରେ ନ୍ୟୁୟର୍କ ପୋଲିସ  ଟ୍ରମ୍ପଙ୍କୁ ଗିରଫ କରିବାରେ ସଫଳ ହୋଇଛି  । ସେପଟେ ଇତିହାସରେ ପ୍ରଥମ ଥର ଜଣେ ପୂର୍ବତନ ରାଷ୍ଟ୍ରପତିଙ୍କୁ ଗିରଫ କରିଛି ପୋଲିସ  । ଆମେରିକା ରାଜନୀତିରେ ଏଭଳି ଘଟଣା ପ୍ରଥମଥର ପାଇଁ ଘଟିଛି  । ଯେଉଁଠି ଜଣେ ପୂର୍ବତନ ରାଷ୍ଟରପତି ଗିରଫ ହୋଇଛନ୍ତି  । କିଛିଦିନ ତଳେ ପର୍ଣ୍ଣ ଷ୍ଟାର ଷ୍ଟାମୀ ଡେନିୟଲ୍ସଙ୍କୁ ୧ଲକ୍ଷ ୩୦ ହଜାର ଡଲାର ଦେବା ମାମଲାରେ ମଙ୍ଗଳବାର ତାଙ୍କୁ ଗିରଫ କରାଯାଇପାରେ ବୋଲି ଟ୍ରମ୍ପ ଦାବି କରିଥିଲେ। ତାଙ୍କୁ ମ୍ୟାନହଟନ କାର୍ଯ୍ୟାଳୟରୁ ଏଭଳି ଗୁପ୍ତ ସୂଚନା ମିଳିଛି ବୋଲି ସେ କହିଥିଲେ।

ସୂଚନାଯୋଗ୍ୟ, ପିଛିଦିନ ପୂର୍ବରୁ ଆଶଙ୍କା ମଧ୍ୟରେ ଟ୍ରମ୍ପ ନିଜ ସମର୍ଥକଙ୍କ ନିକଟକୁ ଇ-ମେଲ୍ ପଠାଇଥିଲେ। ଏହା ସମ୍ଭବତଃ ତାଙ୍କ ଦ୍ୱାରା ଲିଖିତ ଶେଷ ଚିଠି ବୋଲି ସେ ଉଲ୍ଲେଖ କରିଥିଲେ। ‘ଆପଣଙ୍କ ସାହାଯ୍ୟ ପାଇଁ ଧନ୍ୟବାଦ। ଏହି ଲଢେଇରେ ବିଜୟ ଆମର ହେବ ଏବଂ ଆମେ ପୁଣି ହ୍ୱାଇଟହାଉସ ଜିତିବା’ ବୋଲି ସେ ଲେଖିଥିଲେ। ମଙ୍ଗଳବାର ଗିରଫ ହେବା ନେଇ ରାଷ୍ଟ୍ରପତି ଟ୍ରମ୍ପଙ୍କ ସୋସିଆଲ ମିଡିଆ ପୋଷ୍ଟ ପରେ ତାଙ୍କ ସମର୍ଥକମାନେ ବିରୋଧ କରିବା ନେଇ ସମ୍ଭାବନା ରହିଛି। ଏଥିପାଇଁ ଆଇନଶୃଙ୍ଖଳା ପରିସ୍ଥିତିକୁ ଧ୍ୟାନରେ ରଖି ନ୍ୟୁୟର୍କର ମ୍ୟାନହଟନ କୋର୍ଟରେ କଡା ସୁରକ୍ଷା ବ୍ୟବସ୍ଥା କରାଯିବା ସହ ବ୍ୟାରିକେଡ କରାଯାଇଛି।

ସୂଚନା ମୁତାବକ ୨୦୧୬ ମସିହାରେ ପର୍ଣ୍ଣ ଷ୍ଟାର ଷ୍ଟାମୀ ଡେନିୟଲ୍ସ ଗଣମାଧ୍ୟମ ସାମ୍ନାରେ ଡୋନାଲ୍ଡ ଟ୍ରମ୍ପ ଓ ତାଙ୍କ ମଧ୍ୟରେ ସମ୍ପର୍କ ଥିଲା ବୋଲି କହିଥିଲେ। ଏହାପରେ ଟ୍ରମ୍ପଙ୍କ ଟିମ୍ ଓକିଲ ମାଇକଲ କୋହେନଙ୍କ ମାଧ୍ୟମରେ ଷ୍ଟାମୀଙ୍କୁ ମୁହଁ ନଖୋଲିବା ପାଇଁ ୧ଲକ୍ଷ ୩୦ ହଜାର ଟଙ୍କା ଦିଆଯାଇଥିଲା। ଟ୍ରମ୍ପଙ୍କର ଏକ କମ୍ପାନୀ ତରଫରୁ ଷ୍ଟାମୀଙ୍କୁ ଏହି ଟଙ୍କା ଦିଆଯାଇଥିଲା। ଟ୍ରମ୍ପ ଆମେରିକାର ରାଷ୍ଟ୍ରପତି ଥିବା ବେଳେ ଏହି ମାମଲା ସାମ୍ନାକୁ ଆସିଥିଲା। ସେବେଠାରୁ ଏହି ନେଣଦେଣର ଯାଞ୍ଚ ଆରମ୍ଭ ହୋଇଥିଲା।