ପୁଣି ଇତିହାସ ରଚିଲା ଇନ୍ଦୋର: ମିଳିଲା ବେଷ୍ଟ ସ୍ମାର୍ଟ ସିଟି ଆୱାର୍ଡ

ଓଡ଼ିଆ ନ୍ୟୁଜ୍ (ବ୍ୟୁରୋ): ପୁଣି ଇତିହାସ ରଚିଲା ଇନ୍ଦୋର । ଇଣ୍ଡିଆ ସ୍ମାର୍ଟ ସିଟି ପୁରସ୍କାର ପ୍ରତିଯୋଗିତାର ଚତୁର୍ଥ ସଂସ୍କରଣରେ ଇନ୍ଦୋର ୧୦୦ ଟି ସ୍ମାର୍ଟ ସିଟି ତାଲିକାରେ ପ୍ରଥମ ସ୍ଥାନ ଅଧିକାର କରି ଏହି ପୁରସ୍କାର ଜିତିଛି । ୨୦୨୨ ବର୍ଷର ଫଳାଫଳ ଆଧାରରେ ଏହି ପୁରସ୍କାର ଘୋଷଣା କରାଯାଇଛି । ଅର୍ଥାତ୍ ଗତ ବର୍ଷ ଇନ୍ଦୋର ସବୁଠାରୁ ସ୍ମାର୍ଟ ସହର ଥିଲା । ଏଥିସହିତ ସୁରଟ ଏବଂ ଆଗ୍ରା ମଧ୍ୟ ପଛରେ ନଥିଲେ ଏବଂ ଦ୍ୱିତୀୟ ଏବଂ ତୃତୀୟ ସ୍ଥାନ ଅଧିକାର କରିଥିଲେ।

ଏହି ଫଳାଫଳଗୁଡିକ ୨୫ ଅଗଷ୍ଟ ଅର୍ଥାତ୍ ଶୁକ୍ରବାର ଦିନ ଘୋଷଣା କରାଯାଇଥିଲା । ଏହି ଫଳାଫଳ ଅନୁଯାୟୀ ମଧ୍ୟପ୍ରଦେଶ ଶ୍ରେଷ୍ଠ ପ୍ରଦର୍ଶନକାରୀ ଭାବରେ ପ୍ରଥମ ସ୍ଥାନରେ ଥିବାବେଳେ ତାମିଲନାଡୁ ଦ୍ୱିତୀୟ ସ୍ଥାନରେ ରହିଛି। ଏହା ବ୍ୟତୀତ ଉଭୟ ଉତ୍ତରପ୍ରଦେଶ ଏବଂ ରାଜସ୍ଥାନ ତୃତୀୟ ଶ୍ରେଷ୍ଠ ପ୍ରଦର୍ଶନକାରୀ ରାଜ୍ୟ। ଚଳିତ ବର୍ଷ ସେପ୍ଟେମ୍ବରରେ ମଧ୍ୟପ୍ରଦେଶର ଇନ୍ଦୋରରେ ସ୍ମାର୍ଟ ସିଟିର ଜାତୀୟ ସମ୍ମିଳନୀ ଆୟୋଜିତ ହେବ। ୨୭ ସେପ୍ଟେମ୍ବରରେ ଅନୁଷ୍ଠିତ ହେବାକୁ ଥିବା ଏହି କାର୍ୟ୍ୟକ୍ରମରେ ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ବିଜେତାମାନଙ୍କୁ ସମ୍ମାନିତ କରିବେ ।