ହିଜାବ ମାମଲାରେ ସ୍ଲୋଗାନ ଦେଇଥିବା ଛାତ୍ରୀଙ୍କୁ ଅଲ କାଏଦା ମୁଖ୍ୟର ପ୍ରଶଂସା; ମୁସ୍କାନ ଖାନକୁ କହିଲା ଭଉଣୀ

କର୍ଣ୍ଣାଟକରେ ହିଜାବ ବିବାଦ ସମୟରେ ଅଲ-କାଏଦାର ମୁଖ୍ୟ ଆୟମାନ-ଅଲ-ଜାୱାହିରୀ ମୁସ୍କାନ ଖାନଙ୍କୁ ପ୍ରଶଂସା କରୁଥିବା ଏକ ଭିଡିଓ ଜାରି କରିଛନ୍ତି। ଅଣ-ସରକାରୀ ଆତଙ୍କବାଦୀ ବିରୋଧୀ ସଂଗଠନ SITE ଇଣ୍ଟେଲିଜେନ୍ସ ଦ୍ୱାରା ଜାୱାହିରିଙ୍କ ଭିଡିଓ ଯାଞ୍ଚ କରାଯାଇଛି। SITE ଇଣ୍ଟେଲିଜେନ୍ସ ଦ୍ୱାରା ପ୍ରଦାନ କରାଯାଇଥିବା ଅନୁବାଦରେ ଜାୱାହିରୀ ମୁସ୍କାନ ଖାନଙ୍କୁ ପ୍ରଶଂସା କରୁଥିବା ଦେଖାଯାଏ | କର୍ଣ୍ଣାଟକର କଲେଜଗୁଡ଼ିକରେ ହିଜାବକୁ ନେଇ ବିରୋଧ କରୁଥିବା ଜନତାଙ୍କ ସମ୍ମୁଖରେ ମୁସ୍କାନ ସ୍ଲୋଗାନ ଦେଇଥିଲେ।

ଜାୱାହିରି ମୁସ୍କାନଙ୍କୁ ତାଙ୍କ ଭଉଣୀ ବୋଲି ବିବେଚନା କରିବା ସହ ତାଙ୍କ ପାଇଁ ଏକ କବିତା ଲେଖିଛନ୍ତି। ଯେଉଁଥିରେ ତାଙ୍କର ସାହସକୁ ପ୍ରଶଂସା କରାଯାଇଛି। ଏହା ଏହି ଭିଡିଓର ଆଖ୍ୟାରେ ଲେଖା ହୋଇଛି – ଦି ନୋବେଲମ୍ୟାନ୍ ଅଫ୍ ଇଣ୍ଡିଆ | ଆତଙ୍କବାଦୀ ଜାୱାହିରି କହିଛନ୍ତି ଯେ ସେ ସୋସିଆଲ ମିଡିଆରୁ ମୁସ୍କାନଙ୍କ କାର୍ଯ୍ୟ ବିଷୟରେ ଜାଣିଛନ୍ତି।ଆତଙ୍କବାଦୀ ଜାୱାହିରି କହିଛନ୍ତି ଯେ ସରକାର ଦେଶର ମୁସଲମାନମାନଙ୍କ ଉପରେ ଅତ୍ୟାଚାର କରୁଛନ୍ତି। ହିଜାବ ବିବାଦର ଜବାବ ଦେବାକୁ ସେ ଭାରତର ମୁସଲମାନମାନଙ୍କୁ କହିଥିଲେ। ଏହି ଭିଡିଓରେ ଦର୍ଶାଯାଇଛି ଯେ ଅଲ କାଏଦା ଭାରତରେ ଘଟୁଥିବା କାର୍ଯ୍ୟକଳାପ ଉପରେ ନଜର ରଖିଛି। ଏହି ୯ ମିନିଟର ଭିଡିଓ ଅଲ-କାଏଦାର ଅଫିସିଆଲ ମିଡିଆ ୱିଙ୍ଗ ଆସ-ସାହାବ ଦ୍ୱାରା ଜାରି କରାଯାଇଛି।

ଗତ ମାସରେ କର୍ଣ୍ଣାଟକ ହାଇକୋର୍ଟ ଶିକ୍ଷାନୁଷ୍ଠାନରେ ହିଜାବ ନ ପିନ୍ଧିବା ନିଷ୍ପତ୍ତିକୁ ସମର୍ଥନ କରିଥିଲେ। ହିଜାବ ଇସଲାମର ଏକ ଗୁରୁତ୍ୱପୂର୍ଣ୍ଣ ଅଂଶ ନୁହେଁ ବୋଲି କୋର୍ଟ କହିଛନ୍ତି।