ରାଜନୈତିକ ସଙ୍କଟ ମଧ୍ୟରେ ପୁଣିଥରେ ସୁପ୍ରିମକୋର୍ଟରେ ପହଞ୍ଚିଲେ ନବାବ ମଲିକ ଏବଂ ଅନିଲ ଦେଶମୁଖ; ଜାଣନ୍ତୁ କାହିଁକି

ଜେଲରେ ଥିବା ନ୍ୟାସନାଲିଷ୍ଟ କଂଗ୍ରେସ ପାର୍ଟି (ଏନସିପି) ବିଧାୟକ ନବାବ ମଲିକ ଏବଂ ଅନିଲ ଦେଶମୁଖ ବୁଧବାର ସୁପ୍ରିମକୋର୍ଟଙ୍କୁ ମହାରାଷ୍ଟ୍ର ବିଧାନସଭାରେ ଫ୍ଲୋର ଟେଷ୍ଟରେ ଭାଗ ନେବାକୁ ଅନୁମତି ମାଗିଛନ୍ତି। ଜଷ୍ଟିସ୍ ସୁର୍ଯ୍ୟକାନ୍ତ ଏବଂ ଜେ.ବି ପାରଦୀୱାଲାଙ୍କ ଏକ ଅବକାଶକାଳୀନ ବେଞ୍ଚକୁ ଆଡଭୋକେଟ୍ ସୁଦର୍ଶନ ଏସ୍ ଚୌଧୁରୀ କହିଛନ୍ତି ଯେ ମନି ଲଣ୍ଡରିଂ ଆକ୍ଟ (PMLA) ଅନୁଯାୟୀ ଉଭୟ ବିଧାୟକଙ୍କ ନାମରେ ମାମଲା ପଞ୍ଜିକୃତ କରାଯାଇଛି। ଏବଂ ସେମାନେ ଜେଲରେ ଅଛନ୍ତି। ସେ କହିଛନ୍ତି ଯେ ଗୁରୁବାର ଦିନ ୧୧ ଟା ସମୟରେ ହେବାକୁ ଥିବା ମହାରାଷ୍ଟ୍ର ବିଧାନସଭାରେ ଫ୍ଲୋର ଟେଷ୍ଟରେ ଉଭୟ ନେତା ଭାଗ ନେବାକୁ ଚାହୁଁଛନ୍ତି।

ଫ୍ଲୋର ଟେଷ୍ଟକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଛି

ଆଡଭୋକେଟ୍ ସୁଦର୍ଶନ ଏସ୍ ଚୌଧରୀ କହିଛନ୍ତି ଯେ ସେମାନେ ଏଥିରେ ହସ୍ତକ୍ଷେପ ଲୋଡି ଏକ ପିଟିସନ୍ ଦାଖଲ କରୁଛନ୍ତି, ଯାହା ଶିବସେନା ନେତା ସୁନୀଲ ପ୍ରଭାସଙ୍କ ନିବେଦନ ପରେ ଶୁଣାଣି ହୋଇପାରେ। ଗୁରୁବାର ଦିନ ବିଧାନସଭାରେ ଫ୍ଲୋର ଟେଷ୍ଟ କରିବା ପାଇଁ ମହାରାଷ୍ଟ୍ର ରାଜ୍ୟପାଳ ଉଦ୍ଧବ ଠାକରେଙ୍କ ନେତୃତ୍ୱାଧୀନ ମହା ବିକାଶ ଆଗାଡି (ଏମଭିଏ) ସରକାରଙ୍କୁ ଦେଇଥିବା ନିର୍ଦ୍ଦେଶକୁ ଚ୍ୟାଲେଞ୍ଜ କରିଛନ୍ତି।