ଆଜିଠୁ ବିଧାନସଭା ବଜେଟ ଅଧିବେଶନ

ଓଡ଼ିଆ ନ୍ୟୁଜ୍: ଆଜିଠାରୁ ଆରମ୍ଭ ହେବାକୁ ଯାଉଛି ବିଧାନସଭାର ବଜେଟ୍ ଅଧିବେଶନ। ରାଜ୍ୟପାଳଙ୍କ ଅଭିଭାଷଣରୁ ଦିନ 11ଟା ବେଳେ ଆରମ୍ଭ ହେବ ଗୃହକାର୍ଯ୍ୟ। ଦୁଇଟି ପର୍ଯ୍ୟାୟରେ ହେବାକୁ ଥିବା ବଜେଟ ଅଧିବେଶନ ମୋଟ ୨୮ଟି କାର୍ଯ୍ୟ ଦିବସ ରହିଛି। ଗୃହ କାର୍ଯ୍ୟକୁ ସୁରୁଖୁରୁରେ ଚଳାଇବା ନିମନ୍ତେ ବାଚସ୍ପତି ସୁରମା ପାଢ଼ୀ ସର୍ବଦଳୀୟ ବୈଠକରେ ଉଭୟ ଶାସକ ଓ ବିରୋଧୀ ଦଳର ସହଯୋଗ ଲୋଢ଼ିଛନ୍ତି।ଆସନ୍ତା ୨୦ତାରିଖରେ ବିଧାନସଭାରେ ୨୦୨୬-୨୭ଆର୍ଥିକ ବର୍ଷର ବଜେଟ ଉପସ୍ଥାପନ କରିବେ ମୁଖ୍ୟମନ୍ତ୍ରୀ ତଥା ଅର୍ଥମନ୍ତ୍ରୀ ମୋହନ ଚରଣ ମାଝୀ। ମାର୍ଚ୍ଚ ୩୧ତାରିଖରେ ଗୃହରେ ବ୍ୟୟ ମୁଞ୍ଜିରି ବିଲ ଆଗତ ହେବ ।

ବଜେଟ ଅଧିବେଶନ ପାଇଁ ରାଜ୍ୟର ତିନି ପ୍ରମୁଖ ରାଜନୈତିକ ଦଳ ବିଜେପି, ବିଜେଡି ଓ କଂଗ୍ରେସ ବିଧାୟକ ଦଳ ବୈଠକ ବସି ରଣନୀତି ଚୁଡାନ୍ତ କରିଛନ୍ତି ।ଚାଷୀ, ଧାନ ସମସ୍ୟା, ଆଇନ ଶୃଙ୍ଖଳା, ମହାନଦୀ , ସରକାରୀ କାର୍ଯ୍ୟାଳୟରେ ଦୁର୍ନୀତି, ଅସ୍ମିତା ସୁରକ୍ଷା ସହ ବଜେଟ୍ ଅର୍ଥ ଖର୍ଚ୍ଚ କରିବାରେ ବିଜେପି ସରକାର ବିଫଳ ଆଦିକୁ ମୁଖ୍ୟ ପ୍ରସଙ୍ଗ କରି ଗୃହରେ ଶାଶକ ଦଳକୁ ଜବାବ ମାଗିବ । ସେହିପରି ସମାନ ପ୍ରସଙ୍ଗ ସହ ଜିଲ୍ଲା ଯୋଜନା ବୋର୍ଡ ଗଠନ ନ ହେବା, ବଜେଟ୍ ଅର୍ଥ ଖର୍ଚ୍ଚରେ ନ ହୋଇପାରିବା , ମନରେଗା ବଞ୍ଚାଅ ଭିଭିଜି ରାମଜି ହଟାଅ, ଓଡ଼ିଶାକୁ ସ୍ଵତନ୍ତ୍ର ରାଜ୍ୟ ପାହ୍ୟା, ପେଶା ଆଇନ ସହ କେନ୍ଦ୍ରାପଡ଼ା ରାଜନଗରରେ ଅଙ୍ଗନବାଡି କର୍ମୀଙ୍କୁ ଜାତିଭିତ୍ତିକ ଘଟଣାକୁ ଗୃହରେ ଉଠାଇବ କଂଗ୍ରେସ।

ଦୁଇ ବିରୋଧୀଙ୍କୁ ଗୃହରେ ଚେକ୍ ଦେବା ପାଇଁ ବିଜେପି ବିଧାୟକ ଦଳ ବୈଠକରେ ରଣନୀତି ପ୍ରସ୍ତୁତ କରିଛି। ୧୯ମାସରେ ସରକାରଙ୍କ ସଫଳତା, ବିକଶିତ ଭାରତ ଓ ବିକଶିତ ଓଡ଼ିଶା ଓ ରାଜ୍ୟ ସ୍ୱାର୍ଥ ସମ୍ବଳିତ ପ୍ରସଙ୍ଗକୁ ଗୃହରେ ଉଠାଇବ ଶାସନ ବିଜେପି । ଲମ୍ବା ସମୟର ବଜେଟ ଅଧିବେଶନ ପ୍ରଥମ ଦିନରୁ ହିଁ ସରଗରମ ହୋଇପାରେ ।