୨୨ର ଜବାବ ୨୨ ମିନିଟରେ ଦେଲୁ: ପ୍ରଧାନମନ୍ତ୍ରୀ

ଓଡ଼ିଆ ନ୍ୟୁଜ୍: ପହଲଗାମରେ ଆତଙ୍କୀ ଆକ୍ରମଣର ଗୋଟିଏ ମାସ ପରେ ରାଜସ୍ଥାନରେ ଆତଙ୍କବାଦ ବିରୋଧରେ ପ୍ରଧାନମନ୍ତ୍ରୀ ମୋଦି ବଡ ବୟାନ କରିଛନ୍ତି। ପ୍ରଧାନମନ୍ତ୍ରୀ ମୋଦି ସୀମା ନିକଟରୁ ବିଶ୍ୱକୁ ଏକ ବାର୍ତ୍ତା ଦେଇଛନ୍ତି, ଯାହାକୁ ପାକିସ୍ତାନ କେବେ ଭୁଲିପାରିବ ନାହିଁ। ପ୍ରଧାନମନ୍ତ୍ରୀ ଆତଙ୍କବାଦ ବିରୋଧରେ ଅପରେଶନ ସିନ୍ଦୂର ବିଷୟରେ ଆକ୍ରମଣାତ୍ମକ ସ୍ବରରେ କହିଥିଲେ। ଏକ କଡ଼ା ବାର୍ତ୍ତା ଦେଇ ପ୍ରଧାନମନ୍ତ୍ରୀ ମୋଦି କହିଛନ୍ତି, ଯେତେବେଳେ ସିନ୍ଦୁର ବାରୁଦରେ ପରିଣତ ହୁଏ, ସେତେବେଳେ କ’ଣ ହୁଏ ତାହା ବିଶ୍ୱ ଦେଖିଛି।

ପହଲଗାମ ଆକ୍ରମଣ ବିଷୟରେ ପ୍ରଧାନମନ୍ତ୍ରୀ ମୋଦି କହିଛନ୍ତି,୨୨ ତାରିଖରେ ହୋଇଥିବା ଆକ୍ରମଣର ଜବାବରେ, ଆମେ ୨୨ ମିନିଟ ମଧ୍ୟରେ ଆତଙ୍କବାଦୀଙ୍କ ୯ଟି ସବୁଠାରୁ ବଡ଼ ଆଡ୍ଡାକୁ ଧ୍ୱଂସ କରିଦେଇଥିଲୁ। ସରକାର ତିନି ସେନାକୁ ମୁକ୍ତ ହାତ ଦେଇଥିଲା, ଯାହା ପରେ ସେନା ପାକିସ୍ତାନକୁ ଆଣ୍ଠୁମାଡ଼ି ବସିବାକୁ ବାଧ୍ୟ କରିଥିଲା। ଦେଶ ଆତଙ୍କବାଦୀଙ୍କୁ ନିପାତ କରିବା ପାଇଁ ସଂକଳ୍ପ ନେଇଥିଲା ଏବଂ ମୁଁ ଖୁସି ଯେ କଳ୍ପନାଠାରୁ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।