ମୁଖ୍ୟ ଶାସନ ସଚିବଙ୍କୁ ଗଜପତି ମହାରାଜାଙ୍କ ଚିଠି

ମହାମାରୀ କରୋନା ଭାଇରସ୍ ପାଇଁ ଏବେ ସାରା ବିଶ୍ୱ ସଂକଟ ଦେଇ ଗତିକରୁଛି l ଏହାରି ଭିତରେ ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିବା ସହିତ ମୃତକଙ୍କ ସଂଖ୍ଯା ମଧ୍ୟ ବୃଦ୍ଧି ପାଇବାରେ ଲାଗିଛି l ସେହିପରି ଓଡିଶା ରେ ମଧ୍ୟ କରୋନା ଆକ୍ରାନ୍ତଙ୍କ ସଂଖ୍ୟା 60 କୁ ବୃଦ୍ଧି ପାଇଛି l ମହାମାରୀ କରୋନା ଭାଇରସ୍ ର ମୁକାବିଲା କରିବା ପାଇଁ ରାଜ୍ୟ ସରକାର ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରିଛନ୍ତି l ଏହାରି ଭିତରେ ମହାପ୍ରଭୁ ଶ୍ରୀ ଜଗନ୍ନାଥଙ୍କ ରଥଯାତ୍ରା ଆସନ୍ତା ଜୁନ୍ 23 ରେ ପଡୁଥିବାରୁ ରଥଯାତ୍ରା ନେଇ ଅନିଶ୍ଚିତତା ଦେଖାଦେଇଛି l

ଏଥିପାଇଁ ମୁଖ୍ୟ ଶାସନ ସଚିବ ଙ୍କୁ ଚିଠି ଲେଖିଛନ୍ତି ଗଜପତି ମହାରାଜା l ଚଳିତ ମାସ 26 ରେ ଅକ୍ଷୟ ତୃତୀୟା ପଡୁଛି ତେଣୁ ସରକାର ଯଥା ଶୀଘ୍ର ନିଷ୍ପତ୍ତି ନିଅନ୍ତୁ ବୋଲି ଚିଠି ରେ ଲେଖାଯାଇଛି l ସେହିପରି ଚନ୍ଦନ ଯାତ୍ରା, ସ୍ନାନ ଯାତ୍ରା ପାଇଁ ଯଥା ଶୀଘ୍ର ନିଷ୍ପତ୍ତି ନିଆଯାଉ l ଏଭଳି ଘଡି ସନ୍ଧି ମୁହୂର୍ତ୍ତରେ ରଥ ଯାତ୍ରା ବନ୍ଦ କରାଯିବ ନା କଟକଣା ଯୁକ୍ତ ରଥ ଯାତ୍ରା ପାଳନ କରାଯିବ ସେ ନେଇ ଆରମ୍ଭ ହୋଇଛି କଳ୍ପନା ଜଳ୍ପନା