ଲୋକସଭାର ସଦସ୍ୟତାରୁ ଇସ୍ତଫା ଦେଲେ ଅଖିଳେଶ ଯାଦବ ଏବଂ ଆଜାମ ଖାନ; ଜାଣନ୍ତୁ ସମୂର୍ଣ୍ଣ ତଥ୍ୟ
ସାଂସଦ ପଦରୁ ଇସ୍ତଫା ଦେଇଛନ୍ତି ସମାଜବାଦୀ ପାର୍ଟିର ସଭାପତି ତଥା ପୂର୍ବତନ ୟୁପି ସିଏମ୍ ଅଖିଲେଶ ଯାଦବ। ଅଖିଳେଶ ଆଜମଗଡ ଲୋକସଭା ଆସନରୁ ସାଂସଦ ଥିଲେ। ଅଖିଳେଶ ମଙ୍ଗଳବାର ଅପରାହ୍ନରେ ଲୋକସଭା ବାଚସ୍ପତି ଓମ ବିର୍ଲାଙ୍କ ନିକଟରେ ପହଞ୍ଚି ତାଙ୍କ ଇସ୍ତଫା ପତ୍ର ଦାଖଲ କରିଛନ୍ତି। ୟୁପିରେ ଅନୁଷ୍ଠିତ ବିଧାନସଭା ନିର୍ବାଚନରେ ଅଖିଳେଶ କରହଲ ଆସନରୁ ଜିତିଥିଲେ।ଅଖିଲେଶଙ୍କ ସହ ଦଳର ବରିଷ୍ଠ ନେତା ଆଜାମ ଖାନ ମଧ୍ୟ ସାଂସଦ ପଦରୁ ଇସ୍ତଫା ଦେଇଛନ୍ତି। ଆଜମ ଖାନ ରାମପୁର ଲୋକସଭା ଆସନରୁ ସାଂସଦ ଥିଲେ। ସେ ରାମପୁର ବିଧାନସଭା ଆସନରୁ ବିଧାୟକ ଭାବରେ ନିର୍ବାଚିତ ହୋଇଛନ୍ତି। ୨୦୧୯ ଲୋକସଭା ନିର୍ବାଚନରେ ସପା ପାଞ୍ଚଟି ସିଟ୍ ଜିତିଥିଲେ। ଅଖିଳେଶ ଯାଦବ ଏବଂ ଆଜମ ଖାନଙ୍କ ଇସ୍ତଫା ପରେ ସପା ଲୋକସଭାରେ ତିନିଜଣ ସାଂସଦ ଅଛନ୍ତି। ବର୍ତ୍ତମାନ ସପାର ଶାଫିକୁର ରହମାନ ବର୍କ ସମ୍ୱାଲ ଆସନରୁ, ମେନପୁରୀରୁ ମୁଲାୟମ ସିଂ ଯାଦବ ଏବଂ ମୋରାଡାବାଦ ଲୋକସଭା ଆସନରୁ ଏସଟି ହାସନ ଅଛନ୍ତି।
ନିକଟରେ ୟୁପିରେ ହୋଇଥିବା ବିଧାନସଭା ନିର୍ବାଚନରେ ଏସପି ଦ୍ୱିତୀୟ ସ୍ଥାନରେ ରହିଥିଲେ। ବିଜେପି ୨୫୫ ଟି ଆସନ ଜିତିଛି। ଏଥିସହିତ ସମାଜବାଦୀ ପାର୍ଟି ୧୧୧ ଟି ସିଟ୍ ଦଖଲ କରିଥିଲେ। କଂଗ୍ରେସ ଦୁଇଟି ଆସନ ଜିତିଥିବା ବେଳେ ବିଏସପି ଗୋଟିଏ ଆସନ ଜିତିଛି।